Вазирлар Маҳкамасининг 26 август куни «Андижон иқтисодиёт ва қурилиш институтини ташкил этиш тўғрисида»ги қарори қабул қилинди. Бу ҳақда Адлия вазирлигининг матбуот хизмати хабар берди.
Қарорга кўра, институтнинг асосий вазифаларидан бири иқтисодиёт ва қурилиш соҳаси бўйича амалий кўникмаларга эга бўлган, рақобатбардош олий маълумотли мутахассислар ва илмий-педагогик кадрларни тайёрлаш, қайта тайёрлаш ва малакасини ошириш ҳисобланади.
Мазкур ҳужжатга мувофиқ, институтда таълим фаолияти 2020/2021-ўқув йилидан бошланади. Бунинг учун институтга кундузги таълим шакли бўйича қабул параметрлари Ўзбекистон таълим муассасаларига ўқишга қабул қилиш бўйича давлат комиссияси қарорига асосан белгиланади.
Андижон шаҳрида жойлашган Андижон хизмат кўрсатиш ва сервис техникуми бино ва иншоотлари институтга оператив бошқарув ҳуқуқи асосида берилгани маълум қилинди.
Шунингдек, қарорда келгусида институтда талабалар сонининг ошишини инобатга олиб, 2022 йилга ва келгуси йилларга мўлжалланган инвестиция дастурларига 1200 ўринли ўқув биноси ва 400 ўринли талабалар турар жойини қуриш лойиҳаларини киритиш назарда тутилган.
Аввалроқ, июль ойида Ўзбекистонда Геология фанлари университети ташкил қилингани ҳақида хабар берилганди.
Мавзуга доир:
- Андижон қишлоқ хўжалиги ва агротехнологиялар институти ташкил этиш ҳақидаги қарор лойиҳаси муҳокамага қўйилди
- Қишлоқ хўжалиги касб-ҳунар коллежлари негизида олий мактаблар ўрнига агротехнологиялар техникумлари ташкил этилади
- Ўзбекистонда янги ўқув йилидан аграр таълимнинг бакалавриат йўналишлари босқичма-босқич кредит-модул тизимига ўтказилади
Изоҳ (0)