Футбол бўйича Coca-Cola Суперлига 12-турида ОКМК 25 август, сешанба куни «Навбаҳор»га қарши баҳс олиб борди.
Учрашувнинг 22-дақиқасида Азиз Турғунбоев жарима майдони ташқарисида тўпни тўхтатди ва уни дарвозабон устидан ошириб, чиройли голга муаллифлик қилди.
Иккинчи бўлимни олмалиқликлар фаол бошлади ва «Навбаҳор» дарвозаси олдида бир қатор хавфли вазиятлар содир этди. Айниқса сўнгги дақиқалар Миржалол Қосимов шогирдларининг кучли босимни остида ўтди.
Кетма-кет ҳужумлар ҳакам томонидан қўшиб берилган вақтда ўз самарасини берди. Бурчакдан узатилган тўпни Ёван Жокич тўхтатиб олиб, зарба берди ва тўп Игор Голбанга тегиб дарвозадан жой олди.
Шу тариқа ОКМК жорий мавсумдаги мағлубиятсиз сериясини давом эттирди ва 28 очко билан 2-ўринда қолди. «Навбаҳор» (19) 6-поғонада бормоқда.
Параллел кечган ўйинда «Сурхон» ва «Металлург» жамоалари ўзаро баҳс юритди. Биринчи бўлим сўнгида Александр Касян термизликларни олдинга олиб чиқди. Бироқ бекободликлар ўйин якунланиши арафасида иккита тўп киритган ҳолда ғалабани илиб кетди. Ихтиёр Тошпўлатов дубль қайд этиб, жамоасининг ғалабасини таъминлади.
Ушбу ғалабадан кейин «Металлург» очколарини 19 етказиб олди ва 7-ўринда бормоқда. «Сурхон» (8) 12-поғонага тушиб кетди.
Coca-Cola Суперлига
12-тур баҳслари
25 август, сешанба
ОКМК — «Навбаҳор» 1:1
Голлар: 0:1 – 22 Турғунбоев, 1:1 – 90+2 Жокич.ОКМК: Суҳроб Султонов, Мирғиёс Сулаймонов, Сардор Раҳмонов (Мате Вацадзе, 74), Бобур Йўлдошев, Мурод Тошматов, Ёван Жокич, Миржамол Қосимов (Дилшод Жўраев, 46), Санжар Турсунов, Арслонмурат Аманов (Баҳром Абдураҳимов, 46), Шаҳзод Нурматов, Элгужа Григалашвили (Ҳожимат Эркинов, 74).
«Навбаҳор»: Ўткир Юсупов, Ғиёс Комилов, Азим Аҳмедов, Азиз Турғунбоев, Сардар Теляков (Ҳусайн Эргашбоев, 61), Игор Голбан, Шоҳруҳ Маҳмудхожиев (Иван Соловёв, 54), Хуршид Мухторов, Тоҳиржон Шамсуддинов, Павел Голишев, Руслан Болов.
Огоҳлантириш: Жокич (67).
«Сурхон» — «Металлург» 1:2
Голлар: 1:0 – 40 Касян, 1:1 – 89 Тошпўлатов, 1:2 – 90+3 Тошпўлатов.«Сурхон»: Акбар Тўраев, Шавкат Саломов (Дарко Станоевич, 87), Александр Касян, Муҳаммадали Намозов, Сардор Сулаймонов, Нуриддин Ҳасанов ( Ҳусниддин Ғофуров, 71 (Шерзод Каримов, 83), Ҳусниддин Ғофуров 1997, Аъзамжон Алиев, Жаҳонгир Меҳмонов, Беҳруз Шайдулов, Асрор Ғофуров.
«Металлург»: Александр Лобанов, Аббосжон Отахонов, Дониёр Нарзуллаев (Абдураҳмон Абдулҳақов, 56), Шаҳзод Убайдуллаев, Аброрбек Тошқўзиев (Тўлқин Эргашев, 74), Зоҳид Абдуллаев (Саламат Қуттибоев, 56), Камолиддин Тожиев, Ихтиёр Тошпўлатов, Станислав Андреев, Даврон Анваров (Муродбек Бобожонов, 74), Евгений Чумак.
Огоҳлантиришлар: Меҳмонов (7), Абдуллаев (16), Ҳасанов (43), Анваров (51), Тошпўлатов (58).
Четлатиш: Анваров (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)