Футбол бўйича Coca-Cola Суперлига 12-турида «Қизилқум» 25 август, сешанба куни «Сўғдиёна» билан баҳс юритди.
Учрашувнинг 30-дақиқада Иброҳим Томива навоийликларни олдинга олиб чиқди. Бунга «Сўғдиёна» футболчилари иккинчи бўлим дебютида Марко Колаковичнинг киритган тўпи билан жавоб қайтарди.
Қолган вақтда ҳисоб ўзгармади ва жамоалар муроса йўлини танлади.
«Қизилқум» рестартдан кейинги кетма-кет икки ғалабадан кейин дурангга имзо чекди ва очколарини 9 тага етказиб олган ҳолда 11-ўринга кўтарилди. «Сўғдиёна» (13) эса 9-поғонада қолди.
Coca-Cola Суперлига
12-тур баҳси
25 август, сешанба
«Қизилқум» — «Сўғдиёна» 1:1
Голлар: 1:0 – 30 Томива, 1:1 – 53 Колакович.«Қизилқум»: Игнатий Нестеров, Владислав Касминин, Эркин Байдуллаев, Ойбек Қиличев (Воҳид Шодиев, 83), Руслан Маргиев, Алишер Саноев, Салим Мустафоев, Жасур Азимов (Қадамбой Нурметов, 50) (Файзулло Қамбаров, 83), Шерали Жўраев, Иброҳим Томива, Олег Толмасов.
«Сўғдиёна»: Милан Митрович, Сардор Қулматов, Искандар Шойқулов, Санжар Рашидов (Аюбхон Номанов, 81), Жамшид Болтабоев (Даниэль Насриддинов, 46), Шоҳруз Норхонов (Саҳоб Рашидов, 89), Санъат Шихов (Жасур Ҳасанов, 46), Шавкат Муллажонов, Жавоҳир Қаҳрамонов (Иван Нагаев, 73), Шаҳбоз Жўрабеков, Марко Колакович.
Огоҳлантиришлар: Толмасов (32), Нагаев (78).
Четлатиш: Нагаев (90+3).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)