Huawei’нинг Тадбиркорлар гуруҳи вакили, жаҳон саноати соҳасида илмий тадқиқотчи Хонг Энг Кох.
Фуқаролар ва бизнесни қўллаб-қувватлаш учун шаҳарлар йўлларни бошқариш бўйича интеллектуал қарорларни татбиқ этишлари керак, дейди «Huawei» вакили Хонг Энг Кох.
Технологиялар ҳаётимизни кескин равишда ўзгартириб бормоқда. Шундай бўлса-да, оддий ҳаракатланиш йўли шаҳарларимиздаги боғловчи бўғин бўлиб хизмат қилишда давом этмоқда. Йўллар асрлар давомида инсонларда уддабуронлик ва тадбиркорликни таъминлаб, юзлаб йиллар олдин бўлгани каби бугунги кунда ҳам ниҳоятда муҳим аҳамият касб этмоқда. Шаҳар қанчалик ақлли бўлмасин, йўл тармоғи самарасиз бўлса, унинг барча таркибий қисмлари тўлиқ фойдаланилиши мумкин бўлмайди. Осиёнинг Жакарта ёки Бангкок каби тез ривожланаётган шаҳарларида, Лотин Америкасининг Богота ёки Рио-де-Жанейро ёки автомобиллар ҳаракатланиши учун ўта ноқулай бўлган Европанинг дейлик, Париж ёки Римида бўлсин, шаҳар аҳолиси тирбандликлар туфайли ҳар йили ишлаб чиқаришда улкан йўқотишларни бошдан кечирмоқда.
Ушбу муаммоларни ҳал қилиш, ҳатто «ақлли шаҳар» технологияси пайдо бўлиши билан ҳам осон кечмайди. Рақамли йўл тармоғи маълумотларини тўплашни ташкил қилиш ҳам осон жараён эмас. Ҳаракатланувчи қисмларнинг катта (том маънода) ҳажми жуда катта миқдордаги маълумотларни вужудга келтириб, дастурий ва аппарат таъминотига бўлган босимнинг ошишига олиб келади. Шунинг баробарида, шаҳар миқёсида транспорт ҳаракатини самарали бошқариш ва бахтсиз ҳодисалар сонини камайтиришдан тортиб, йўл ҳаракати қоидабузарликларини олдини олиш билан боғлиқ ечилиши зарур бўлган кўплаб масалалар юзага келади.
«Huawei»да йўл ҳаракатини бошқаришда мавжуд бўлган уч босқичли ёндашув транспортнинг яна-да тартибли ҳаракатланишини таъминлайди; «Sharp Eyes» (Ўткир кўзли) муаммоларни аниқлайди, «Powerfuл Brain» (Кучли мия) маълумотларни таҳлил қилади ва «Симплифиэд Оператионс анд Management» (Соддалаштирилган эксплуатация ва бошқариш) йўл тармоғининг бетўхтов ишлашини таъминлайди. Бизнинг интеллектуал бошқарув ечимимиз барча таклифларни бирлаштирган ҳолда, дунёнинг кўплаб шаҳарларида муваффақиятли татбиқ этилиб келинмоқда.
Йўл ҳаракати қоидаларининг бузилишини аниқлаш
Бизнинг «Sharp Eyes» тизимимиз ҳар бир чорраҳани транспорт ҳаракатланиши ва йўл ҳаракати қоидаларининг бузилишини назорат қилувчи назорат-ўтказиш пунктига айлантириши мумкин. Бизнинг дастурий таъминотимиз томонидан бошқариладиган камералар 20 дан ортиқ алгоритмларни қўллаб-қувватлайди ва фавқулодда ҳаракатланиш йўлларининг кесиб ўтилишидан тортиб, қизил чироқларга ўтиб кетиш каби йўл ҳаракати қоидаларининг бузилишини аниқлаш учун дастурлаштирилган.
Узоқдан аниқланиш тўғрилиги 95 % дан ошади, бахтсиз ҳодисаларни аниқлаш саккиз сония ичида ҳар қандай об-ҳавода ҳамда қуйи ва кўзни қамаштирувчи ёруғлик шароитида ҳам 200 метргача кузатиб бориш имконияти билан амалга оширилади. Йигирмата ТОПС ҳисоблаш қувватлари талаб этилган ҳолатларда тасвир сифатини оптималлаштиради.
«Sharp Eyes» автоном тизим сифатида ҳам мумкин бўлган қоидабузарликларни кузатиб бориш ва уларни таҳлил қилиш, зарур бўлган ҳолатларда жарималарни ҳисобга ёзиш орқали йўл ҳаракати қоидаларига амал қилиниши борасида шаҳарга ёрдам бериши мумкин.
Транспорт воситаларини текшириш ва бошқаришни таъминловчи интеллектуал таҳлил
Кучли интеллектуал функсионалимиз тегишли қидирувдаги транспорт воситаларини топиш учун катта ҳажмдаги маълумотларни таҳлил қилиш воситаларидан фойдаланади, шу орқали юз миллионлаб маълумот ёзувлари орасида зарур маълумотни бир неча сонияда аниқлашга имкон беради. Фойдаланувчилар тобора мураккаб ечимлар учун қўшимча имконият яратувчи хизматнинг кўп алгоритмли маълумотларни сақлаш омборхонаси орқали 100 дан ортиқ алгоритмлардан эркин фойдаланишлари мумкин.
У полицияга хавфсизликни таъминлаш тизими сифатида хизмат кўрсатиши мумкин ва шу билан қоидабузарликларни узоқдан кузатиб бориш учун тасвирларни такрорий таҳлилдан ўтказишни таклиф қилади. Бу полициянинг транспорт воситалари билан боғлиқ жиноятчиликка қарши кураши ва уни олдини олишидаги фаолияти самарасини яна-да ошириб, жиноятчиликнинг бошқа турларини назорат қилишига имкон яратади.
«Оддий йўл шаҳарларимизда боғловчи бўғин бўлиб қолмоқда»
Ечимнинг функционал имкониятлари трафикни бошқаришга ҳам тегишли бўлиб, бунда дастурий таъминот исталган вақтда барча жойларда трафикни кузатиши мумкин бўлади. Батафсил текшириш даражаси ва ечим давомидаги минимал кечикишлар чорраҳалардаги транспорт юкини камайтириш учун тирбандликлар ҳақида тезкор маълумот бериш ва светофорларни бошқариш имкониятини беради.
Операцияларни соддалаштириш орқали йўл ҳаракатини бошқариш
Маълумотларни йиғиш ва қайта ишлаш функциялари тез мослашувчан кенгайиш ҳисобига тадқиқ этилган конструкциялар доирасида жойлаштирилади. Ечим «Huawei» томонидан махсус ишлаб чиқилган «ПоwерCубе 500» технологияси асосида ишлайди, бу эса жойларда кабел ўтказилишини талаб қилмайди.
«Huawei»нинг эSight эксплуатация қилиш ва бошқариш технологияси шаҳарларда 200 000 дан ортиқ мосламаларни бошқариш, майдонни режалаштириш интеллектуал воситаси кенгайиш самарадорлигини 30 фоизга ошириш имконини яратади.
Осон яшанг, осон ҳаракатланинг
Йўллар асрлар давомида савдо-сотиқ, сармоялар ва жамиятларимизнинг тиргаги бўлиб хизмат қилган, ҳаракатланишларимиз билан боғлиқ инновацияларнинг оқибатларини енгишга қодир даражада пишиқ ва мустаҳкам бўлган. Аҳоли сонининг ўсиши ва шаҳарларнинг жозибаси шуни англатадики, йўл тармоқлари соғлом жамият учун тобора ҳаётий муҳим бўлиб қолмоқда.
Бироқ, бунинг учун одамлар ва транспорт воситаларининг хавфсиз ва самарали оқимини таъминлайдиган мослашувчан, хавфсиз ва интеллектуал инфратузилма талаб этилади. У шунинг билан бирга, кутилмаган ҳодисаларга жавоб қайтара олиши учун етарли даражада мустаҳкам бўлиши ҳам зарур. Cовид-19 транспорт алоқаларини ҳар қандай кутилмаган ўзгаришларга мослаштириш зарур эканлигини тасдиқлади.
«Huawei» компаниясининг йўл ҳаракатини интеллектуал бошқариш бўйича ечими шаҳарларда транспорт бошқарилишини осонлаштиради. Бу эса шаҳарлар диққат-эътиборларини бошқа муаммоларга ва инновацияларни ривожлантиришга қаратиши учун эркинлик ва ресурсларга эга бўлишига замин яратади. Интеллектуал йўллар тармоғи «ақлли шаҳар»да яшовчи аҳолининг фаровонлиги ва самарадорлиги учун ҳал қилувчи аҳамиятга эга. Бир неча асрлар илгариги ҳақиқат ҳали-ҳануз ўз таъсир кучига эга бўлиб қолмоқда.
Манба: https://www.smartcitiesworld.net/opinions/
Реклама ҳуқуқи асосида.
Изоҳ (0)