Mobiuz яна бир Интернет-тарифни ишга туширди

Mobiuz’нинг «Гап Йўқ Pro» тариф режаси 17 000 МБ, тунги 8 000 МБ ва бир қатор қулайликларни ўз ичига олган.

Mobiuz мобил оператори мижозларнинг эҳтиёжларидан келиб чиқиб, мобил Интернетнинг кенг имкониятларидан фойдаланишга кўмак берувчи маҳсулотларни жорий қилмоқда. Бундан икки ой аввал «Гап Йўқ» Интернет-тарифи ишга туширилган эди. Қисқа муддат ичида у абонентларнинг энг ёқимли тарифларидан бирига айланди. Бундай муваффақият ва мижозларнинг кўплаб ижобий фикрлари компания маркетологларини яна бир қизиқ маҳсулот ишлаб чиқишга илҳомлантирди.

Янги «Гап Йўқ Pro» тариф режаси аввалги тариф билан узвий боғлиқ. У ҳар қандай тарзда фойдаланса бўладиган 17 000 МБ, тунги 8 000 МБни ўз ичига олган. Тариф режасининг абонент тўлови – ойига 75 минг сўм.

Ҳусусан, «Гап Йўқ Про» тариф режаси бўйича эрталаб 08:00 дан кечки 23:59 гача кундузги, тунги 00:00 дан 07:59 гача эса тунги трафик сарфланади. Тунги 8 000 МБ якунлангандан кейин эса 17 000 МБнинг қолдиғини хоҳлаган пайтда ишлатиш мумкин.

«Гап Йўқ» тариф режаси каби «Гап Йўқ Pro»да қўнғироқлар, SMS-хабарлар ва лимитдан ошган Интернет-трафик учун қулай нархлар амал қилмоқда. Ўзбекистон бўйича чиқувчи қўнғироқнинг 1 дақиқаси, 1 та SMS ва 1 МБ (тариф режаси бўйича МБ якунлангандан кейин) 12 сўмни ташкил қилади.

Mobiuz’нинг бу йили ишга туширилаётган барча янги тариф режалари ойнинг биринчи санасига боғланмаган. Шу жумладан, «Гап Йўқ Pro» тарифига уланган ёки ўтилган кунига қараб абонент тўлови белгиланади, унга киритилган МБ ҳам тўлалигича тақдим этилади. Келаси абонент тўлови қачон ечиб олинишини эса *001# USSD-сўрови орқали билиб олиш мумкин.

Агар абонент тўлови ечиб олинадиган куни рақамда етарлича маблағ бўлмаса, «Гап Йўқ Pro» автоматик равишда кунлик тартибга ўтади – кунига 3 750 сўмга абонент 567 МБ + тунги 267 МБга эга бўлади.

- Mobiuz’нинг «Гап Йўқ» тарифлари алоҳида маҳсулотлар қаторидан жой олмоқда. Ушбу тарифлар ёшлар ва Интернетдан фаол фойдаланидиган аҳоли учун мўлжалланган. Ахир мобил Интернет – кунлик вазифаларни бажариш ва онлайн ҳаётдан баҳраманд бўлиш учун зарур воситадир. «Гап Йўқ Pro» амалдаги ва янги абонентларимизнинг кўнгилларидан жой олишидан умид қилиб қоламиз, - дейди Mobiuz’нинг жамоатчилик билан алоқалар бўйича расмий вакили Сардор Тожиев.

Mobiuz маҳсулот ва хизматлар ҳақидаги батафсил маълумотни www.mobi.uz сайтидан олишингиз мумкин.

Реклама ҳуқуқи асосида.