Ўзбекистон Республикаси Президентининг 2019 йил 7 июндаги «Тошкент шаҳрида «Д.И.Менделеев номидаги Россия кимё-технология университети» Федерал давлат бюджети олий таълим муассасаси филиалини ташкил этиш тўғрисида»ги ПҚ-4352-сонли қарорига мувофиқ Тошкент шаҳрида 2019-2020 ўқув йилидан бошлаб «Д.И.Менделеев номидаги Россия кимё-технология университети»нинг Федерал давлат бюджети олий таълим муассасаси филиали (бундан буён матнда-филиал) фаолият кўрсатишни бошлади.
Кадрларга бўлган эҳтиёжни ҳисобга олиб, университет билан келишилган олган ҳолда, Филиал бакалавр ва магистратура йўналишлари бўйича барча даражадаги мутахассисларни тайёрлаш, қайта тайёрлаш ва малакасини ошириш ишларини амалга оширади.
2020 йилнинг 1 август куни «Очиқ эшиклар куни» ўтказилди. Абитуриентлар факультет, ректор ва қабул комиссияси вакиллари билан учрашиб, уларнинг барча саволларига атрофлича жавоб олиб ва келгуси мутахассисликларини танлашда кўмак олдилар.
24 август куни Тошкентдаги «Д.И.Менделеев номидаги Россия кимё-технология университети»нинг биринчи имтиҳон бошланди. Имтиҳонлар 24—26—28 август кунлари учта фан: математика, кимё ва рус тили фанлари бўйича ўтказилади.
«Ўзкимёсаноат» АЖ кириш синовларини ташкил этиш ва ўтказишга ходимларни сафарбар этди.
Имтиҳонлар санитария-гигиена қоидаларига ва ижтимоий масофага риоя қилинган ҳолда очиқ ҳавода ўтказилди. Имтиҳонга киришдан олдин ҳар бир абитуриентнинг ҳарорати текширилди. Айрим сабабларга кўра кириш имтиҳонларида қатнаша олмаган абитуриентлар тасдиқловчи ҳужжатни тақдим этган ҳолда захира куни ўтказиб юборилган имтиҳонни топширишлари мумкин.
Абитуриентлар бир марталик тиббий ниқоб, қўлқоп, кепка, ручка, сув ва бир марталик стаканлар билан таъминландилар.
Кимё фани бўйича имтиҳонда Д.И.Менделеевнинг даврий жадвали ва калькулятор тарқатилди.
Имтиҳонларни юқори савияда ташкил этиш мақсадида Ўзбекистон Республикаси Ахборот технологиялари ва коммуникацияларини ривожлантириш вазирлиги техник кўмагида ўтказилди. Шунингдек, вазирлик имтиҳонларнинг онлайн транслациясини ташкил этишда амалий ёрдам кўрсатди.
Д.И.Менделеев номидаги РХТУ Тошкент филиалига 2020-2021 ўқув йили учун кириш имтиҳонлари қуйидаги манзилда ўтказилади:
Тошкент шаҳри, Олмазор тумани, Университет кўчаси 4, 5. (Талабалар шаҳарчаси майдони, Беруний метроси, Ўзбекистон Миллий университетига чиқиш томон).
«Ўзкимёсаноат» АЖ матбуот хизмати
Реклама ҳуқуқи асосида.
Изоҳ (0)