Global Banking & Finance Review (Буюк Британия) халқаро молиявий журналининг талқинига кўра Gross Insurance суғурта компанияси 2020 йилда Ўзбекистонда туризм соҳасидаги энг яхши суғурта компанияси сифатида тан олинди.
Бу ҳақида маълумот молиявий медиа-платформа сайтида чоп этилган.
Gross Insurance энг инновацион ва тажрибали суғурта компанияларидан бири бўлиб, суғурта бозорида етакчи ўринларни эгаллаган ҳолда кўп йиллардан бери бир маромда ўсишга эришмоқда.
Хизматларни ташкил этиш соҳасида фаолият кўрсатувчи Allianz (Олмония) ва Remed Assistance (Туркия) каби жаҳоннинг етакчи компаниялари туристик суғурта соҳасида компаниянинг кўп йиллик ҳамкорлари ҳисобланади.
Саёҳатчиларга хизмат кўрсатиш сифатини ошириш мақсадида компанияда Gross Mobile мобил иловаси ишлаб чиқилган, унинг ёрдамида мижозлар, қаерда бўлишларидан қатъи назар, тезкор ва малакали ёрдам олиш учун Gross Insurance компаниясининг туну-кун ишлайдиган Мижозларни қўллаб-қувватлаш марказига интернет ва телефон орқали мурожаат қилиш имконига эга.
«Компаниямизнинг туристик суғурта соҳасидаги қарийб 6 йиллик фаолияти давомида ярим миллиондан ортиқ юртдошларимиз ўз сафарлари ва саёҳатлари даврига ўз манфаатларини ҳимоя қилишни бизга ишониб топширди. Ушбу давр мобайнида биз чет элда ўтказилган 120 дан ортиқ шошилинч мураккаб операцияларни тўлаб бердик, бахтсиз ҳодиса ва вафот этиш натижасида юртдошларимизни Ватанига қайтариш бўйича 35 та ҳолатни ташкиллаштирдик ҳамда 7 млрд. сўмдан ортиқ суғурта қопламасини тўладик» - дейди Gross Insurance компаниясининг бош директори Абдуазиз Абдусатторов.
«Компаниямизга Global Banking & Finance Awards халқаро мукофотининг берилиши – бу компания ҳамда халқаро ва маҳаллий ҳамкорлар томонидан мижозларимизга энг юқори даражадаги суғурта хизматларини, жумладан Ўзбекистон ташқарисида ҳам тақдим этиш бўйича амалга оширилган кўп йиллик меҳнатнинг эътирофидир» -дея изоҳ беради у.
Жаҳон соғлиқни сақлаш ташкилоти пандемия сифатида тан олган COVID-19 инфекциясининг тарқалиши саёҳатчиларнинг режаларига жиддий таъсир кўрсатди. Gross Insurance компанияси учун мижозларнинг хавфсизлиги ва соғлиғи ҳар доим долзарб бўлган, шу боис саёҳатчиларни суғурта қилиш бўйича стандарт қопламага юқумли касалликларга, шу жумладан COVID-19’га чалинганда тўланадиган қоплама ҳам қўшилди. Унга кўра хорижда суғурталанган шахсда COVID-19 инфекцияси аниқланганида ва у касалхонага ётқизилганида 5000 еврони ташкил этадиган қоплама тақдим этилади.
Global Banking & Finance Awards мукофоти молиявий технологиялар ва ахборот соҳасидаги Буюк Британиянинг шу номли энг оммабоп медиаплатформаларидан бирида 2011 йилда таъсис этилган.
Танлов иштирокчилари тақдим этиладиган хизматлар тўплами ва сифати, мижозларга хизмат кўрсатиш даражаси, хатарларни бошқариш сифати ҳамда турли тоифаларда, шу жумладан суғурта соҳасида ҳам, технологик ривожланиш даражаси каби мезонлар бўйича ўзаро солиштирилади.
Рейтинг мустақил тадқиқотлар натижаларига ҳамда мустақил экспертлар, соҳа раҳбарлари ва инсайдерларининг баҳоларига асосланган.
Мижозларни қўллаб-қувватлаш маркази: 1166.
Сайт: gross.uz
Facebook: fb.com/grossuz
Instagram: @grossuzb
Telegram: t.me/grossuzb
Реклама ҳуқуқи асосида.
Изоҳ (0)