«Сурхон» жамоаси бош мураббийи Равшан Ҳайдаров Coca-Cola Суперлига 11-тури доирасида «Бухоро»га қарши кечган ўйиндаги (0:1) мағлубиятдан сўнг ўз фикрлари билан ўртоқлашди.
Жуда ёмон ўйин ўтказдик. Ҳар уч кунда ўйнаяпмиз, бу учрашувга тайёргарлигимиз меъёрида бўлмагани билиниб қолди. Таркибда ҳам муаммоларимиз борлиги ўз таъсирини кўрсатди. «Бухоро» жамоаси яхши ўйнади, уларни ғалаба билан табриклайман.«Сурхон» 11-турдан кейин 8 очко билан 11-поғонада бормоқда. Жамоа кейинги турни «Металлург»га қарши ўтказади.Рақибни бир кун кўп дам олгани билинди, жисмоний томондан улар биздан устун келди. Таркибимиздаги муаммолар ҳақида гапирадиган бўлсам, ҳужумчимиз Касян майдонга тушмади. Станоевич ҳали сафимизга қайтмади. Жисмоний ҳолатимиз ҳам юқори даражада эмас. Пандемия, футболчиларни касалланиши, жароҳатлар, бари ўзининг таъсирини кўрсатмоқда. Ҳар уч кун ўйнаш қийин бўлмоқда.
Афсуски, иккинчи ўйинда ҳам автагол ҳисобига очко йўқотмоқдамиз. Нима бўлаётганига ўзим ҳам ҳайронман. Жамоани кучайтиришни ўйлаяпмиз, «Пахтакор»дан Иброҳим Йўлдошев биз билан бирга шуғулланмоқда. Ҳали рўйхатдан ўтказмадик. Ташкилий томондан ҳам айрим муаммолар бор. 31 августга қадар янги футболчиларни қўшиб олишга ҳаракат қиламиз.
Равшан Ҳайдаров, «Сурхон» бош мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)