Тошкент вилояти Олмалиқ шаҳрида ҳайдовчилик гувожномаси бўлмаган 19 ёшли йигит Nexia автомобилини катта тезликда бошқариб, тўхтаб турган Damas’га бориб урилди. Бу ҳақда Ички ишлар вазирлиги Йўл ҳаракати хавфсизлиги бош бошқармаси хабар берди.
Маълум қилинишича, 15 август куни соат 18:20 да Тошкент вилояти Олмалиқ шаҳри Ипак йўли кўчаси бўйлаб Nexia автомобилини катта тезликда ҳаракалантириб кетаётган 2001 йилда туғилган Р.А. ушбу кўчада жойлашган автомобилларга техник хизмат кўрсатувчи устахона олдида тўхтаб турган Damas автомобилига тўқнашиб, ЙТҲ содир этган.
Тошкент вилояти Йўл ҳаракати хавфсизлиги бошқармаси томонидан маълум қилинишича, Nexia такси хизматини кўрсатувчи ЙТҲни содир этган Р.А ҳайдовчилик гувоҳномасига эга эмас.
Йўл транспорт ҳодисаси натижасида ҳеч кимга жароҳат етмаган. Иккала автоулов техник шикастланган.
Мазкур ҳолат юзасидан Маъмурий жавобгарлик тўғрисидаги кодекснинг 133-моддаси (Транспорт воситалари ҳайдовчиларининг йўл ҳаракати қоидаларини бузиши жабрланувчига енгил тан жароҳати ёки анча миқдорда моддий зарар етказилишига олиб келиши) билан маъмурий иш қўзгатилган.
Мавзуга доир:
- Сурхондарёдаги ЙТҲда 6 киши ҳалок бўлди. Қурбонларнинг энг кичиги 2 ойлик чақалоқ
- Мирободда маст ҳайдовчи бошқарувидаги Spark’нинг бетон тўсиққа урилиши йўловчининг ўлимига сабаб бўлди
- Мирободда тормози ишламай қолган автокран Mazda’га урилиб, Spark ва Nexia устига йиқилди (видео)
- Сирдарёда Nexia велосипедчини уриб кетди. Жабрланувчи воқеа жойида вафот этди
Изоҳ (0)