Футбол бўйича Жанубий Корея чемпионатининг 16-турида «Соннам» жамоаси 14 август, жума куни «Пусан Ай Парк»ни қабул қилди.
Учрашувнинг дастлабки бўлими асосан майдон марказида кечди, вазиятлар яратишда майдон эгалари фаоллик кўрсатди. Учрашувнинг 61-дақиқасида Ю Ин Су соннамликларни ҳисобда олдинга олиб чиқди. Барчаси мезбонларнинг ғалабаси томон кетаётган бир вақтда Достон Турсунов ҳакам томонидан қўшиб берилган вақтда мувозанатни тиклашга эришди.
Мазкур баҳсда «Соннам»нинг ўзбекистонлик ярим ҳимоячиси Жамшид Искандаров иккинчи бўлим аввалида захира олинган бўлса, пусанликлар клубида ҳаракат қилувчи Достон Турсунов тўлиқ ҳаракат қилди.
«Соннам» очколарини 18 тага етказиб олган ҳолда 6-поғонада кетмоқда. Пусан клуби эса (16) 8-ўринга кўтарилди.
Кей-Лига
16-тур баҳси
14 август, жума
«Соннам» — «Пусан Ай Парк» 1:1
Голлар: 1:0 – 61 Ю Ин Су, 1:1 – 90+4 Турсунов.«Соннам»: Ким Ён Гван, Лим Шин Гём, Ён Же Ун, Ли Те Ҳи, Ю Ин Су, Ким Дон Ҳён, Пак Те Жун, Ли Чан Ён (Ан Ён Гю, 90), Искандаров (Ким Ҳён Сон, 46), На Сан Ҳо, Ян Дон Ҳён (Киш, 78).
«Пусан Ай Парк»: Ким Ҳо Жун, Ким Мён Жун, Турсунов, Кан Мин Су, Ким Мун Ҳван, Пак Жун Ган, Пак Чон У, Ли Дон Жун, Ромуло, Квон Ҳёк Кю (Ким Бён О, 61), Ли Чон Ҳёп (Густаво, 65).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)