Футбол бўйича Европа Чемпионлар Лигасининг 1/8 финал жавоб баҳсида «Бавария» ва «Челси» жамоалари ўзаро баҳс олиб борди.
Фото: Twitter
Учрашувнинг дастлабки дақиқаларидаёқ мюнхенликлар пенальти ишлаб олди. 11 метрлик жарима зарбасини Роберт Левандовски аниқ амалга оширди. 24-дақиқада Иван Перишич Левандовскининг узатмасидан сўнг мезбонларнинг иккинчи голини урди. Лондонликлар бунга бўлим охирида Тэмми Абраҳамнинг киритган тўпи билан жавоб берди.
76-дақиқада Корентен Толиссо ҳисобни 3:1 кўринишига келтирган бўлса, орадан кўп ўтмай Левандовски жамоасининг тўртинчи, ўзининг эса иккинчи голини урди.
Шу тариқа «Бавария» иккинчи ўйинда ҳам (биринчи ўйин — 3:0) ғалабага эришган ҳолда чорак финалга йўл олди ва кейинги босқичда «Барселона» билан ўйнайди.
ЕЧЛ
1/8 финал, жавоб баҳси
8 август, шанба
«Бавария» — «Челси» 4:1
Голлар: 1:0 – 10, пенальти Левандовски, 2:0 – 24 Перишич, 2:1 – 44 Абрахам, 3:1 – 76 Толиссо, 4:1 – 83 Левандовски.
«Бавария»: Нойер, Боатенг (Зюле, 63), Алаба, Киммих (Одриосола, 71), Алькантара (Толиссо, 70), Дэвис, Гнабри (Мартинес, 81), Горетцка, Перишич (Коутиньо, 64), Левандовски, Мюллер.
«Челси»: Кабальеро, Зума, Жеймс, Кристенсен, Эмерсон, Канте, Ковачич, Маунт, Баркли, Ҳадсон-Одои, Абраҳам (Жиру, 81).
Огоҳлантиришлар: Кабальеро (8), Эмерсон (43).
Илк учрашув — 3:0
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
