«Ювентус» клуби Андреа Пирлони бош мураббийликка тайинланганини эълон қилди.
41 ёшли мутахассис туринликлар билан 2022 йилнинг ёзига қадар мўлжалланган шартнома имзолади.
«Ювентус» Чемпионлар Лигаси 1/8 финалида «Лион» тўсиғидан ўта олмагандан кейин Маурицио Саррини истеъфога чиқарди.
Бу Пирло учун мураббийлик фаолиятидаги илк тажриба бўлади. Пирло жорий йил июль ойининг охирида «Ювентус» U-23 жамоаси бош мураббийига айланганди.
Пирло «Интер», «Милан» ва «Ювентус»даги футболчилик фаолияти билан машҳур. У Италия терма жамоаси билан 2006 йилги Жаҳон Чемпионати ғолибига айланган. Андреа 2017 йилнинг ноябрида футболчилик фаолиятини якунлаган эди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!