Тошкент вилоятидаги Чорвоқ сув омборида скутерлар ва моторли қайиқлардан фойдаланиш тақиқланади. Бу ҳақда Вазирлар Маҳкамасининг пандемиядан кейин туризмни тиклашга қаратилган қарорида белгилаб қўйилди.
Тақиқ моторли бўлмаган қайиқларга, муқобил энергия манбалари орқали ҳаракатланувчи сув транспортига, махсус моторли қайиқларга, вазирликлар ва идораларнинг ваколатли сув транспортларига тааллуқли эмас.
Бундан ташқари, Чирчиқ дарёси ва унинг ирмоқлари бўйида сузиш, автоуловларни ювиш ва маиший чиқиндиларни ташлаш тақиқланади. Фақатгина махсус ажратилган жойлар бундан мустасно.
Қарорда, шунингдек, Ўзбекистон Президентининг «Туризм соҳасини санитария-эпидемиологик хавфсизликнинг кучайтирилган режими талабларига қатъий риоя қилган ҳолда ривожлантиришга доир қўшимча чора-тадбирлар тўғрисида»ги 2020 йил 19 июндаги қарорига мувофиқ Туризмни ривожлантириш давлат қўмитаси ҳузурида Хавфсиз туризм жамғармаси ташкил этилганлиги маълум қилинган.
Мавзуга доир: