Вазирлар Маҳкамасида бош вазир Абдулла Арипов раислигида видеоселектор йиғилиши бўлиб ўтди. Унда Маҳалла ва оилани қўллаб-қувватлаш вазирлиги фаолияти танқидий муҳокама қилинди, дея хабар бермоқда «Kun.uz».
Маълум қилинишича, йиғилишда тизимдаги мавжуд муаммо ва камчиликларни бартараф этиш масалалари ҳам кўриб чиқилган.
Ишда йўл қўйган камчиликлари учун Маҳалла ва оилани қўллаб-қувватлаш вазири Раҳмат Маматов, вазир ўринбосарлари Азизбек Икромов ва Ботир Парпиевга ҳайфсан эълон қилинган.
Ҳукумат раҳбари моддий ёрдам ва кўмакка муҳтож оилаларга республика бюджетидан ажратилган бир марталик моддий ёрдам пулларини тарқатишда сусткашликка йўл қўйган айрим маҳаллалар раисларининг қилмишини кескин танқид қилган.
Бош вазир буни ҳеч қайси мезон билан оқлаб бўлмаслигини маълум қилган.
Аввалроқ бир қатор маҳаллаларда ёрдам пулини тарқатишда можаролар бўлaётгани ҳақида хабарлар берилган эди. Хусусан, Сергелидаги «Ҳумо» маҳалласида ҳамда Хоразмда шундай ҳолатлар кузатилган.
Кейинроқ Олий Мажлис Сенати раиси Танзила Норбоева «темир дафтар»ни шакллантириш ва юритиш тизимини танқид қилган.
Мавзуга доир:
Изоҳ (0)