Машҳур инсонлар ижтимоий тармоқдаги саҳифаларидан даромад орттириш мақсадида фойдаланиши ҳеч кимга сир эмас. Қуйида Instagram’даги реклама пости учун энг кўп пул тўланадиган шоу-бизнес вакиллари ҳамда спортчилар санаб ўтилади.
Фото: «Яндекс Дзен»
7. Дэвид Бекхем
- Пост нархи - 337 минг доллар
- Фолловерлари - 63,8 миллион киши
Англия терма жамоасининг собиқ сардори ва «Манчестер Юнайтед» етакчиси Дэвид Бекхем ўз-ўзидан бренд ҳисобланади. Шунинг учун ҳам кўплаб таниқли брендлар у билан ҳамкорлик қилишга интилади. Дэвид Adidas, Kent & Curwen эркаклар кийими, Tudor соатлари ва Haig Club вискисини реклама қилган.
6. Лионель Месси
- Пост нархи - 691 минг доллар
- Фолловерлари - 161 миллион киши
Аргентиналик футбол юлдузи Лионель Месси ўзининг ҳомийлик шартномаларидан ва ижтимоий тармоқлардаги саҳифаларидан кўп фойда кўради. Спортчи Adidas билан, шунингдек, Jacob & Co заргарлик бренди ва Американинг Lay’s чипс ишлаб чиқарувчиси билан ҳамкорлик шартномасини тузган. 2019 йилда Forbes журнали Мессини 127 миллион доллар даромад билан дунёдаги энг кўп маош оладиган спортчи деб эълон қилган.
5. Жастин Бибер
- Пост нархи - 741 минг доллар
- Фолловерлари - 141 миллион киши
Канадалик қўшиқчи Жастин Бибер кўплаб таниқли компаниялар билан ҳамкорлик қилади. Миш-мишларга кўра, Т-Mobile билан шартномаси унга, тахминан, 795 минг доллар олиб келган. Шунингдек, у Schmidt Naturals дезодоранти, Thinking Of Youth либослари ва ўзининг Drew House коллекциясини реклама қилади.
4. Ким Кардашьян
- Пост нархи - 853 минг доллар
- Фолловерлари - 183 миллион киши
Кўплаб машҳур брендлар Ким Кардашьянга фойда келтирадиган реклама шартномаларини таклиф этади. Аммо унинг карьераси шундаки, у асосан, ўз номидаги брендларни тарғиб қилади. Шунга қарамай 39 ёшли Кардашьян соч учун витамин Sugar Bear, Olay Regenerist Whip юз креми ва бошқа бир қанча маҳсулотларни реклама қилган.
3. Криштиану Роналду
- Пост нархи - 883 минг доллар
- Фолловерлари - 234,3 миллион киши
Криштиану Роналду Instagram тармоғида энг кўп даромад оладиган европалик футболчи. У CR7 Play it Cool атирини реклама қилган. Роналду Nike ва American Tourister спорт брендлари билан ҳамкорлик қилади.
2. Кайли Женнер
- Пост нархи - 980 минг доллар
- Фолловерлари - 188 миллион киши
Кайли Женнер – Кардашьян оиласининг энг ёш вакили. Икки йил олдин у даромади бўйича инстаграмда етакчи эди. Аммо бу йилга келиб иккинчи ўринга тушиб қолди. 22 ёшда бўлишига қарамай у бизнесда катта ютуқларга эришди. У Instagram’да ўзининг Кайли косметикасини тарғиб қилиб, сочлар учун витамин Sugar Bear’ни ҳам реклама қилади.
1. Дуэйн Жонсон
- Пост нархи - 1 миллион долларга яқин
- Фолловерлари - 192,5 миллион киши
Рўйхатнинг аввалида собиқ курашчи ва актёр Жонсон туради. Унинг Instagram’га қўйган реклама нархи 1 миллион долларга тенг. Актёр Under Armour’нинг юзи ва турли вақтларда унинг ҳомийлари машҳур Apple ва Voss компаниялари эди.
