Post uchun millionlar: Instagram’dagi reklamadan eng ko‘p pul topadigan mashhurlar (foto)

Mashhur insonlar ijtimoiy tarmoqdagi sahifalaridan daromad orttirish maqsadida foydalanishi hech kimga sir emas. Quyida Instagram’dagi reklama posti uchun eng ko‘p pul to‘lanadigan shou-biznes vakillari hamda sportchilar sanab o‘tiladi.

7. Devid Bekxem

https://www.instagram.com/p/CBjJq09B5MX/?utm_source=ig_embed

• Post narxi - 337 ming dollar
• Folloverlari - 63,8 million kishi

Angliya terma jamoasining sobiq sardori va “Manchester Yunayted” yetakchisi Devid Bekxem o‘z-o‘zidan brend hisoblanadi. Shuning uchun ham ko‘plab taniqli brendlar u bilan hamkorlik qilishga intiladi. Devid Adidas, Kent & Curwen erkaklar kiyimi, Tudor soatlari va Haig Club viskisini reklama qilgan.

6. Lionel Messi

https://www.instagram.com/p/B_2TbnLKoX-/

• Post narxi - 691 ming dollar
• Folloverlari - 161 million kishi

Argentinalik futbol yulduzi Lionel Messi o‘zining homiylik shartnomalaridan va ijtimoiy tarmoqlardagi sahifalaridan ko‘p foyda ko‘radi. Sportchi Adidas bilan, shuningdek, Jacob & Co zargarlik brendi va Amerikaning Lay’s chips ishlab chiqaruvchisi bilan hamkorlik shartnomasini tuzgan. 2019-yilda Forbes jurnali Messini 127 million dollar daromad bilan dunyodagi eng ko‘p maosh oladigan sportchi deb e’lon qilgan.

5. Jastin Biber

https://www.instagram.com/p/CCMlWYlHIH7/

• Post narxi - 741  ming dollar
• Folloverlari - 141 million kishi

Kanadalik qo‘shiqchi Jastin Biber ko‘plab taniqli kompaniyalar bilan hamkorlik qiladi. Mish-mishlarga ko‘ra, T-Mobile bilan shartnomasi unga, taxminan, 795 ming dollar olib kelgan. Shuningdek, u Schmidt Naturals dezodoranti, Thinking Of Youth liboslari va o‘zining Drew House kolleksiyasini reklama qiladi.

 

4. Kim Kardashyan

https://www.instagram.com/p/B-sfHBKgoQJ/

• Post narxi - 853  ming dollar
• Folloverlari - 183 million kishi

Ko‘plab mashhur brendlar Kim Kardashyanga foyda keltiradigan reklama shartnomalarini taklif etadi. Ammo uning karyerasi shundaki, u asosan, o‘z nomidagi brendlarni targ‘ib qiladi. Shunga qaramay 39 yoshli Kardashyan soch uchun vitamin Sugar Bear, Olay Regenerist Whip yuz kremi va boshqa bir qancha mahsulotlarni reklama qilgan.

 3. Krishtianu Ronaldu

https://www.instagram.com/p/CDUDM7XgxH3/

• Post narxi - 883  ming dollar
• Folloverlari - 234,3 million kishi

Krishtianu Ronaldu Instagram tarmog‘ida eng ko‘p daromad oladigan yevropalik futbolchi. U CR7 Play it Cool atirini reklama qilgan. Ronaldu Nike va American Tourister sport brendlari bilan hamkorlik qiladi.

2. Kayli Jenner

https://www.instagram.com/p/B_fkMr-HZ3B/

• Post narxi - 980  ming dollar
• Folloverlari - 188 million kishi

Kayli Jenner – Kardashyan oilasining eng yosh vakili. Ikki yil oldin u daromadi bo‘yicha instagramda yetakchi edi. Ammo bu yilga kelib ikkinchi o‘ringa tushib qoldi. 22 yoshda bo‘lishiga qaramay u biznesda katta yutuqlarga erishdi. U Instagram’da o‘zining Kayli kosmetikasini targ‘ib qilib, sochlar uchun vitamin Sugar Bear’ni ham reklama qiladi.

1. Dueyn Jonson

https://www.instagram.com/p/CCEKdtnlswj/?utm_source=ig_web_copy_link

• Post narxi - 1 million dollarga yaqin
• Folloverlari - 192,5 million kishi

Ro‘yxatning avvalida sobiq kurashchi va aktyor Jonson turadi. Uning Instagram’ga qo‘ygan reklama narxi 1 million dollarga teng. Aktyor Under Armour’ning yuzi va turli vaqtlarda uning homiylari mashhur Apple va Voss kompaniyalari edi.