Бугун,

  • USD 11095.31
  • RUB 173.84
  • EUR 10772.44

Олий Мажлис Қонунчилик палатаси депутати Расул Кушербаев Telegram’даги каналида UzAuto Motors компаниясининг тез ёрдам учун ҳам автомобилларини оширилган нархларда сотаётганини танқид қилди.

Фото: «Дарё»

Фото: «Дарё»
Айтганча, шу синовли кунларда юртдошларимизга енгил бўлиши учун барча қўлидан келганча дори-дармон, тиббий ускуналар олиш учун ўз ёнидан хайрия қилаётган ёки беминнат хизмат кўрсатаётган бир вақтда бизнинг эркатой монополимиз «Ўзавтомоторс» юзи қизармай, тез ёрдам учун ҳам автомобилларини отнинг калласидек оширилган нархда сотишда давом этяпти.

Масалан, Фарғона вилояти ҳокимлиги вилоят аҳолиси учун 20 та янги Damas’ни 75 миллион сўм атрофидаги нархга сотиб олиб, тез ёрдам хизматига топширибди.

Шу «Ўзавтомоторс»га ҳам ҳайронсан. Россиянинг Уфа шаҳрида автомобиллари очиқда қолиб, чириб ётса ҳам ўз халқи учун жилла қурса Damas’ларидан бепул ёки имтиёзлар билан бериш қийинми?

24 йил давомида халқимиз билан биргамиз, деб кўкрагини кераётган бу монопол ҳеч бўлмаса шу оғир кунларда ҳақиқатан халқи билан бирга эканлигини исботласа бўларди.

Ахир шунча йил шу халқ ҳисобидан ялло қилиб яшади, эртага шу халқ бўлмаса унинг эркалигини ким кўтаради, дефектлар билан чиқаётган, отнинг калласидек қиммат машиналарини ким олади, албатта, шу халқ олади. Пулини тўлаб ойлаб кутадиган Россия, Қозоғистон, Украина халқи эмас, шу халқ олади, шу халқ минади. Шу касал бўлаётган одамлар бўлмаса, ҳеч кимсан «монопол дўстим»!

Расул Кушербаев, Олий Мажлис Қонунчилик палатаси депутати.

Аввал Тошкент шаҳри ҳокимлиги ва Соғлиқни сақлаш вазирлиги тиббий ускуналар ва тиббий мақсадда фойдаланиш учун Damas автомобилларини сотиб олгани хабар қилинганди.

Шунингдек, 2020 йил 3 июлда Ўзбекистонда Isuzu D-Max пикаплари негизида тез ёрдам машиналари ишлаб чиқарилиши, 7 июлда Ўзбекистон коронавирусга чалинган беморлар учун яна 15 та янги реанимобил харид қилингани, 20 июлда эса Жиззахда ишлаб чиқарилган Volkswagen Caddy негизидаги тез ёрдам автомобиллари Тошкентга юборилиши ҳақида хабарлар берилган.

Изоҳ
Асосий янгиликлар
Спорт
Tata Steel Чесс 2023. Нодирбек Абдусатторов америкалик рақиби билан дуранг ўйнади ва ҳамон мусобақа пешқадами бўлиб турибди. Жавоҳир Синдоровда ҳам дуранг
Маҳаллий
Сурхондарёдан топилган айиқ боласи зоопаркка топширилди
Маҳаллий
Ўзбек тили дарслигида мусиқа асбоблари номи хато ёзилгани айтилди (видео)