Ўзбекистон мусулмонлари идораси Мисрдаги «Дорул Ифто» фатво ҳайъатига таяниб, Қурбон ҳайитининг биринчи куни қайси санага тўғри келишини маълум қилди.

Фото: «Дарё»

«Мисрдаги ‘Дорул Ифто’ фатво ҳайъати томонидан ҳижрий 1441 йил Зулҳижжа ойининг биринчи куни милодий йил ҳисоб бўйича 22 июль кунига тўғри келаётгани эълон қилинди. Шу муносабат билан Саудия Арабистонида ҳаж ибодатини адо этаётганлар чекланган ададдаги маҳаллий зиёратчилар 30 июль — арафа куни Арафот тоғида жам бўладилар.

31 июль, жума куни эса Зулҳижжа ойининг 10-куни бўлиб, ислом оламидаги энг улуғ байрам Ийдул-Азҳо – Қурбон ҳайитининг биринчи куни бўлади, инша Аллоҳ», — дейилади хабарда.

Эслатиб ўтамиз, Республика махсус комиссияси қарори билан 2020 йил 10 июлдан эътиборан 1 августга қадар диний ташкилотлар, жумладан, масжидлар фаолияти тўхтатилган.

Мавзуга доир: «Карантиннинг яна қатъийлашганига тўғри баҳо бериб, бунга амал қилайлик». Муфтий Усмонхон Алимов ўзбекистонликларга мурожаат қилди