Гарет Бэйл «Реал»ни тарк этадими? Унинг агенти жавоб берди

«Реал» ҳужумкор ярим ҳимоячиси Гарет Бэйлнинг агенти Жонатан Барнетт уэлслик футболчининг Мадрид клубини тарк этиш нияти йўқлигини маълум қилди.

«Гарет яхши ҳолатда. Унинг «Реал» билан шартномаси тугашига яна икки йил бор. У Мадридда бахтиёр яшамоқда, у ҳеч қаерга кетмайди. Бэйл жамоанинг қолган аъзолари каби яхши ҳолатда. Зидан ҳам бу фикрни қўллаб-қувватлайди. Албатта, турли клублар Гаретга қизиқиш билдирмоқда, бироқ бирор клубда уни сотиб олиш имконияти борлигига ишониш қийин. Гарет «Реал»ни тарк этмайди», — дейди Барнетт.

Аввалроқ «Реал» Бэйлнинг икки йиллик маошини тўлаб бериб, у билан шартномани тўхтатмоқчи эканлиги тўғрисида хабар берилганди.

31 ёшли Бэйл Испания чемпионатининг 2019/20 йилги мавсумида 16 та ўйинда майдонга тушиб, 2 та гол ва худди шунча голли узатмага муаллифлик қилди.

Гарет Бэйлнинг «Реал» сафида Ла Лигада урган топ-25 голини томоша қилинг (видео)