Бугун,

  • USD 11095.31
  • RUB 173.84
  • EUR 10772.44

Президент Шавкат Мирзиёев 20 июль куни эрта тонгдан Ўзбекистонда коронавирус инфекциясига қарши кураш борасида олиб борилаётган ишларнинг чуқур танқидий таҳлилига бағишланган видеоселектор йиғилиши ўтказди, дея хабар бермоқда давлат раҳбарининг матбуот хизмати.

Фото: Президент матбуот хизмати

Фото: Президент матбуот хизмати

Чет давлатларда ўпка яллиғланган ҳар бир бемор учун зудлик билан кислород концентраторларига махсус ниқоблар кийгизиш орқали ҳаво олишини енгиллаштириб, қўлига пулсоксиметр тақилмоқда ва бу билан беморнинг нафас етишмовчилиги бартараф қилинмоқда.

Президент матбуот хизматининг хабар беришича, йиғилишда бош вазир Абдулла Ариповга мазкур тиббиёт жиҳозларини имкон қадар қисқа муддатларда Ўзбекистонга етказиш бўйича топшириқ берилган.

«Бунинг учун, агар керак бўлса, махсус самолёт ажратилиши, тадбиркорлар томонидан кислород концентраторларини Ўзбекистонга олиб кириш тартиб-таомилларини енгиллаштириш чоралари кўрилиши лозимлиги қайд этилди», — дейилади расмий ахборотда.

Аввалроқ Smartgov Consulting директори Азиза Умарова Ўзбекистон учун зудлик билан кислород концентраторларини сотиб олиш зарурлигини таъкидлаган, айни вақтда соғлиқни салаш вазирининг 2020 йил 15 апрелдаги буйруғига асосан Соғлиқни сақлаш вазирлиги эҳтиёжлари учун мўлжалланган дори воситалари ва ускуналар рўйхати регистрациядан озод қилингани, бироқ сертификатлаштиришдан ўтказилиши лозимлиги белгиланганини қайд этиб ўтган эди. Хусусий бизнес учун эса концентраторларни импорт қилишда регистрация талаби ҳам, сертификатлаштириш талаби ҳам сақлаб қолинган.

«Соғлиқни сақлаш вазирлиги кислород концентраторлари ва пулсоксиметрларни (рўйхатнинг 64 ва 66-бандлари) сертификатлаштириш талабидан ҳеч бўлмаса бир ойга зудлик билан воз кечсин. Токи бу маҳсулотлар инсофли нархларда бозорга кириб кела олсин. Одамларимиз учун шундай қилиш керак», — деб ёзганди у.

Изоҳ
Асосий янгиликлар
Маҳаллий
“Оила аъзолари томонидан мунтазам жинсий зўравонликка учраётган болалар ҳам топилади” — Болалар омбудсмани
Маҳаллий
Соғлиқни сақлаш вазири: Таълимда ўзгариш қилмас эканмиз, тиббиёт ҳам ўзгармайди
Маҳаллий
Бухорода Nexia-2 ариққа тушиб кетди (видео)