Prezident Shavkat Mirziyoyev 20-iyul kuni erta tongdan O‘zbekistonda koronavirus infeksiyasiga qarshi kurash borasida olib borilayotgan ishlarning chuqur tanqidiy tahliliga bag‘ishlangan videoselektor yig‘ilishi o‘tkazdi, deya xabar bermoqda davlat rahbarining matbuot xizmati.
Chet davlatlarda o‘pka yallig‘langan har bir bemor uchun zudlik bilan kislorod konsentratorlariga maxsus niqoblar kiygizish orqali havo olishini yengillashtirib, qo‘liga pulsoksimetr taqilmoqda va bu bilan bemorning nafas yetishmovchiligi bartaraf qilinmoqda.
Prezident matbuot xizmatining xabar berishicha, yig‘ilishda bosh vazir Abdulla Aripovga mazkur tibbiyot jihozlarini imkon qadar qisqa muddatlarda O‘zbekistonga yetkazish bo‘yicha topshiriq berilgan.
“Buning uchun, agar kerak bo‘lsa, maxsus samolyot ajratilishi, tadbirkorlar tomonidan kislorod konsentratorlarini O‘zbekistonga olib kirish tartib-taomillarini yengillashtirish choralari ko‘rilishi lozimligi qayd etildi”, — deyiladi rasmiy axborotda.
Mavzuga doir:
- Shavkat Mirziyoyev: Koronavirusni davolaymiz deb, deyarli barcha ixtisoslashtirilgan tibbiyot muassasalari to‘ldirib tashlandi
- Shavkat Mirziyoyev talabalar yotoqxonalari va yopiq sport maydonlarini koronavirusga chalingan bemorlarni joylashtirish uchun moslashtirish haqida ko‘rsatma berdi
- Shavkat Mirziyoyev O‘zbekistonda hozir koronavirusga qarshi kurashdan muhimroq xarajatlar bo‘lishi mumkin emasligini aytdi
“Sog‘liqni saqlash vazirligi kislorod konsentratorlari va pulsoksimetrlarni (ro‘yxatning 64 va 66-bandlari) sertifikatlashtirish talabidan hech bo‘lmasa bir oyga zudlik bilan voz kechsin. Toki bu mahsulotlar insofli narxlarda bozorga kirib kela olsin. Odamlarimiz uchun shunday qilish kerak”, — deb yozgandi u.
Izoh (0)