«Дарё»ни Telegram’да ўқинг! Join!
18:40, 20.07.2020 32844

Британия маликаси тўйида бувисининг эски келинлик либосини кийди (фото)

Италиялик зодагон Эдоардо Мапелли-Моццига турмушга чиққан Британия маликаси Беатрис маросимда бувиси, қиролича Елизавета II нинг винтаж услубидаги келинлик либосини кийди. Бу ҳақда қироллик оиласининг Twitter’даги расмий саҳифасида 19 июль куни маълум қилинган, деб ёзади «Korrespondent.net».

Фото: «Korrespondent.net»

Мазкур кўйлак Елизаветта II учун 1967 йилда дизайнер Норман Хартнелл томонидан тикилган. Беатрис таққан тиллақош қиролича Марияга тегишли бўлиб, қиролича Елизавета ҳам тўй маросимида ушбу аксессуардан фойдаланган, дейилади хабарда.

Фото: «Korrespondent.net»

Таъкидланишича, олдиндан эълон қилинмаган бахт маросимида фақатгина яқин қариндошлар иштирок этган. 2018 йилнинг кузида Италияда танишган Беатрис ва Эдоардонинг унаштирилиши ҳақида 2019 йилнинг 26 сентябрида эълон қилинганди. Аслида 2020 йилнинг 29 майига белгиланган тўй мавжуд коронавирус сабаб қолдирилган.

Фото: «Korrespondent.net»

Маълумот учун, граф титулига эга бўлган 36 ёшли Эдоардо Мапелли-Моццининг отаси 1972 йил қишки олимпияда ўйинларида иштирок этган машҳур тоғ-чанғи спортчиси ҳисобланади.

Изоҳ қолдиришдан аввал, қоидалар билан танишиб олинг: http://dy.uz/sBU7c