Italiyalik zodagon Edoardo Mapelli-Motssiga turmushga chiqqan Britaniya malikasi Beatris marosimda buvisi, qirolicha Yelizaveta II ning vintaj uslubidagi kelinlik libosini kiydi. Bu haqda qirollik oilasining Twitter’dagi rasmiy sahifasida 19-iyul kuni ma’lum qilingan, deb yozadi “Korrespondent.net”.
Mazkur ko‘ylak Yelizavetta II uchun 1967-yilda dizayner Norman Xartnell tomonidan tikilgan. Beatris taqqan tillaqosh qirolicha Mariyaga tegishli bo‘lib, qirolicha Yelizaveta ham to‘y marosimida ushbu aksessuardan foydalangan, deyiladi xabarda.
Ta’kidlanishicha, oldindan e’lon qilinmagan baxt marosimida faqatgina yaqin qarindoshlar ishtirok etgan. 2018-yilning kuzida Italiyada tanishgan Beatris va Edoardoning unashtirilishi haqida 2019-yilning 26-sentabrida e’lon qilingandi. Aslida 2020-yilning 29-mayiga belgilangan to‘y mavjud koronavirus sabab qoldirilgan.
Ma’lumot uchun, graf tituliga ega bo‘lgan 36 yoshli Edoardo Mapelli-Motssining otasi 1972-yil qishki olimpiyada o‘yinlarida ishtirok etgan mashhur tog‘-chang‘i sportchisi hisoblanadi.
Mavzuga doir:
- Foto: XX asr go‘zallik timsollari qanday kelinlik libosida turmushga chiqqan?
- Iordaniya qirolichasi Raniya al-Abdulla kiyinishda alohida e’tibor beradigan 7 jihat (foto)
- Ivanka Trampning Keyt Middlton, Megan Markl va boshqa malikalardan ko‘chirgan obrazlari
- Yuksak kiyinish madaniyati va nozik didga ega 5 malika
Izoh (0)