Шоу-бизнес вакилларининг турмуш қурганидан уч ой ёки ярим йил ўтиб ажрашишлари кишини ҳайратга солмай қўйган бўлиши мумкин, лекин бирга узоқ ва аҳил яшаган жуфтликлар муносабатларига уруш-жанжал билан нуқта қўйилиши мухлисларни ларзага солади.
Арнольд Шварсенеггер ва Мария Шрайвер
Фото: Cosmopolitan
Актёр машҳур Кеннеди оиласининг аъзоси Мария Шрайвер билан 1986 йилда турмуш қурган. Тўрт нафар фарзанднинг ота-онаси бўлган жуфтлик 25 йиллик турмушдан кейин Арнольднинг хиёнати оқибатида ажрашган.
Деми Мур ва Брюс Уиллис
Фото: Cosmopolitan
1987 йилда турмуш қурган шоу-бизнес вакиллари турмуши давомида уч қизнинг ота-онаси бўлишга улгурган. 2000 йилда муносабатларга нуқта қўйилганидан кейин, орадан 5 йил ўтгач, Деми карьерасини бошлаганига ҳали кўп бўлмаган, 27 яшар Эштон Кутчерга турмушга чиқади. Лекин бу турмуш ҳам Кутчернинг хиёнати сабаб узоққа бормайди.
Мел Гибсон ва Робин Мур
Фото: Cosmopolitan
1980 йилда муносабатларини никоҳ билан мустаҳкамлаган жуфтлик 7 фарзанднинг ота-онаси ҳисобланади. 2009 йилда рус пианиночиси Оксана Григоревага илакишиб қолган кўп фарзандли ота оила дарз кетишига сабабчи бўлади. Актёр хиёнати нафақат киносаноатдаги мавқейи, балки чўнтагига ҳам зарар бўлади. Ажрашганидан кейин бор давлатининг тенг ярми, яъни 425 миллион долларни собиқ рафиқасига беришига тўғри келади.
Жонни Депп ва Ванесса Паради
Фото: Cosmopolitan
Актёр Женнифер Грэй, Вайнона Райдер ва Кейт Мосс билан ишқий муносабатда бўлганига қарамай, Ванесса унинг ҳаётида муҳим рол ўйнаган ва икки карра ота бўлишига сабабчи бўлган. Ресторанда бир кўришда ошиқ бўлган Жонни Паради билан 1998 йилдан 2012 йилга қадар бирга ҳаёт кечирган. Муносабатларга нуқта қўйилишига актёрнинг Эмбер Хердга илакишиб қолгани сабаб бўлган. Депп Эмбер билан 2015 йилда турмуш қурган, лекин кўп ўтмай ажрашган.
Моника Беллуччи ва Венсан Кассел
Фото: Cosmopolitan
1996 йилда «Хонадон» фильмининг суратга олиш жараёнида танишган жуфтлик 1999 йилда турмуш қурган ва икки фарзанднинг ота-онаси бўлишга муваффақ бўлган. Машҳурлар муносабатига 2013 йилда нуқта қўйилган.
Антонио Бандерас ва Мелани Гриффит
Фото: Cosmopolitan
1996 йилда турмуш қурган жуфтликнинг бир қиз фарзанди бор. Антонио ва Мелани 18 йиллик турмушидан кейин 2014 йилда бир-бирини тушуна олмаганликлари сабаб ажрашишга қарор қилган. Миш-мишларга кўра эса оиланинг дарз кетиши Меланининг асоссиз рашклари билан боғлиқ.
