Numbeo портали яшаш учун энг қиммат ва энг арзон мамлакатлар 2020 йилги рейтингини эълон қилди.

Фото: «Дарё»

Рейтингга дунёнинг 135 та мамлакати киритилган бўлиб, у уй-жой ижара пули, яшаш индекси қиймати ва аҳолининг харидорлик қобилияти каби кўрсаткичлар асосида тузилган.

Ўзбекистон ушбу рўйхатда 130 ўринни эгаллади. Рейтингдан, шунингдек, Марказий Осиёдаги бошқа давлатлар ҳам ўрин олган. Жумладан, Қозоғистон 116-ўринни, Қирғизистон 133-ўринни, Афғонистон 132-ўринни, Покистон эса 135 — энг сўнгги ўринни эгаллади.

Скриншот: Numbeo

Бермуд ороллари 2020 йилда яшаш учун энг қиммат деб топилди. Ундан кейинги поғоналарни Швейцария, Норвегия, Исландия ва Япония эгаллади. Рўйхатнинг тўлиқ матнини қуйидаги ҳавола орқали кўриш мумкин.

Эслатиб ўтамиз, Ўзбекистон 2019 йилнинг июль ойида ҳам Numbeo порталининг яшаш учун энг арзон мамлакатлар рейтингида 6-ўринни эгаллаганди.