2020 йилнинг 13 июль куни Миллий гвардия ҳарбий хизматчилари Нукус шаҳридаги марказий темир йўл ва автотранспорт воситалари йўлининг устидан ўтувчи катта кўприкда бўйнига ип боғлаб ўзини осишга ҳаракат қилаётган фуқарони кўриб қолиб, уни бу йўлдан қайтарган. Бу ҳақда «Postda.uz» хабар берди.
Қайд этилишича, ходимларнинг зудлик билан кўрган чора-тадбирлари натижасида ушбу фуқаронинг ҳаёти сақлаб қолинган. 1977 йилда Нукус шаҳрида туғилган И.Д. оилавий муаммолар туфайли ўз жонига қасд қилмоқчи бўлгани аниқланди.
Воқеага ойдинлик киритиш ва профилактик суҳбат ўтказиш мақсадида мазкур фуқаро Нукус шаҳар ИИО ФМБга олиб борилган. И.Д. тиббий ёрдам олиши учун касалхонага ётқизилган.
Аввал 2020 йил 7 июлда Нукус шаҳрида тақиқланган жойда чўмилиб, сувда оққан бола Фавқулодда вазиятлар бошқармаси ходими томонидан қутқариб қолингани, бола билан бирга сувда оққан 35 ёшли эркакни қутқаришнинг имкони бўлмагани, апрель ойида Қорақалпоғистонда профилактика инспекторларининг оилавий келишмовчилик туфайли ўз жонига суиқасд қилмоқчи бўлган ва чўкаётган аёлни қутқариб қолгани ҳақида хабарлар берилган.
Изоҳ (0)