АҚШ президенти Дональд Трамп 2017 йил январь ойида лавозимига киришганидан 2020 йил 9 июлгача бўлган давр оралиғида 20 055 бора ҳақиқатга зид гапларни гапириб оммавий чиқиш қилган. Бу ҳақда Washington Post нашри хабар берган.

Фото: EPA

Нашрнинг қайд этишича ҳақиқатга зид баёнотлар ҳам ички ҳам ташқи сиёсатга алоқадор мавзуларда янграган, жумладан, импичмент масаласи, коронавирус пандемияси ва афроамерикалик Жорж Флойднинг ўлими атрофидаги гапларнинг аксарияти ёлғон.

АҚШ президенти кўпинча мамлакат иқтисодиёти айни вақтда давлат тарихидаги энг яхши ҳолатда эканини айтиб келган ва одамларни алдаган.

Бундан ташқари, Трамп мунтазам равишда Мексика билан чегарадаги деворнинг қурилиши ва солиқларни АҚШ тарихида ҳали кузатилмаган даражада пасайтириш ҳақида гапирган, ушбу гаплар ҳам ҳақиқат эмас.

Аввалроқ АҚШ етакчиси Трампга Нью-Йорк прокурори Сайрус Венсга солиқ декларацияларини тақдим қилиш мажбуриятини юклаган Олий суд қарорини «сиёсий томондан жодугарларга эълон қилинган ов» ва «қалбаки» ҳужжат деб атаганди.