Футбол бўйича Италия чемпионатининг 30-турида «Ювентус» ўз майдонида 4 июль, шанба куни «Торино»ни қабул қилди.
Учрашувнинг 3-дақиқасида Пауло Дибала майдон эгаларини олдинга олиб чиққан бўлса, 29-дақиқада Хуан Куадрадо жамоасининг иккинчи голини урди. Биринчи бўлимга ҳакам томонидан қўшиб берилган вақтда Андреа Белотти пенальтини аниқ бажариб, ҳисобни қисқартиришга эришди.
«Кекса синьора» иккинчи бўлимда яна иккита гол уришга муваффақ бўлди. 61-дақиқада Криштиану Роналду жарима зарбасини қойилмақом бажарган бўлса, ўйин якунланиши арафасида Коффи Жижи ўз дарвозасини ишғол қилиб қўйди.
Ушбу ғалабадан кейин «Ювентус» очколарини 75 тага етказиб олди ва пешқадамликни мустаҳкамлади. Кейинги ўриндаги «Лацио»да 68 очко бор ва жамоа ушбу турда «Милан» билан куч синашади.
А Серия
30-тур баҳси
4 июль, шанба
«Ювентус» — «Торино» 4:1
Голлар: 1:0 – 3 Дибала, 2:0 – 29 Куадрадо, 2:1 – 45+6, пенальти Белотти, 3:1 – 61 Роналду, 4:1 – 87, автогол Жижи.«Ювентус»: Буффон, Данило, де Лигт, Бонуччи, Бентанкур, Куадрадо, Рабьо, Пьянич (Матюиди, 49), Бернардески (Дуглас Коста, 55), Дибала (Игуаин, 80), Роналду.
«Торино»: Сиригу, де Сильвестри (Эдера, 80), Бремер (Жижи, 84), Войнович, Айна (Ансальди, 84), Беренгер, Мейте, Верди (Миллико, 68), Лукич, Иццо, Белотти.
Огоҳлантиришлар: Бонуччи (26), Пьянич (39), де Лигт (45), Иццо (58), Айна (60), Дибала (70).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)