Австралиянинг Квисленд технология университети муҳандислари сартарошхоналардан чиққан сочларни тўлақонли ёруғлик қайтарувчи экранларга айлантиришга муваффақ бўлди. Улар ўз ишини Advenced Materials журналида чоп этган.
Олимларнинг таъкидлашича, чиқиндига ташланадиган тонналаб сочлар углерод ва азотнинг яхши манбаси ҳисобланади. Ушбу кимёвий элементлардан тез-тез қуёш нурини қайтарадиган қурилмаларни яратишда фойдаланилади.
Маълумотларга кўра, олимлар OLED-дисплейини яратишда Брисбен шаҳридаги эркаклар сартарошхонасида йиғилиб қолган сочлардан фойдаланган. Сочлар 240 даража Цельсийда ёқилган. Ҳосил бўлган кул углерод ва азот манбаси бўлиб хизмат қилган. Олимлар уни углеродли нанонуқтага айлантирган.
Шундан сўнг, нанонуқталар полимерга айлантирилган. Ушбу материалда улар оролчалар шаклига эга бўлган. Айнан улар OLED-қурилмасининг фаол қатламини муҳим ишчи қисмига айлантирган.
Нурланиш кутилганидек жуда ёрқин эмас. Телевизорни ёки смартфон экранини яратишда бу каби технологиядан фойдаланиб бўлмайди. Бироқ шу турдаги органик ёруғлик диодлардан маҳсулотнинг яроқлилик муддати ўтган ёки ўтмаганини кўрсатиб берувчи «ақлли» қадоқларни яратишда фойдаланса бўлади.
Олимлар келажакда ҳайвонларга мўлжалланган салонлар, шунингдек, қўй жунидан ҳам худди шу мақсадларда фойдаланиб кўриш ниятида.
Изоҳ (0)