Фарғона вилоятида ишсиз ёшларнинг бандлигини таъминлашда «Ҳар бир ёшга — бир гектар» дастури муҳим аҳамият касб этмоқда, дея хабар бермоқда Фарғона вилоятида Президент халқ қабулхонаси.
Қайд этишларича, вилоятда 11 854 нафар ёш қишлоқ хўжалиги соҳасига йўналтирилган бўлиб, уларнинг 2 643 нафарига «Ҳар бир ёшга — бир гектар» дастури доирасида 10—30 сотихдан (жами 1128 гектар) ер ажратиб берилган.
Ажратилган майдонларнинг 522 гектари адир ва текисликларда бўлса, 606 гектари боғлар орасида; ернинг 72 гектарига картошка, 172 гектарига сабзавот, 189 гектарига полиз экинлари, 103 гектарига дуккакли экинлар экилган.
Бундан ташқари, яна 345 гектар майдонга мевали дарахтлар, 195 гектарига тут ва узум, 52 гектарига эса мойли экинлар экилган.
Аввалроқ Фарғона вилоятида 2020 йил бошида салкам 60 минг ёш хорижга чиқиб кетгани, ҳозиргача уларнинг 8 мингга яқини қайтгани, 4,7 мингга яқини иш билан таъминлангани ҳақида хабар берилган эди.
Изоҳ (0)