Президент Шавкат Мирзиёев Фарғона вилоятига ташрифи давомида Қўштепа туманида «Grapes and Gardens Investment» компанияси томонидан яратилган интенсив боғ билан танишди.
Президент Шавкат Мирзиёев Фарғона вилояти Қўштепа туманида «Grapes and Gardens Investment» компанияси томонидан ташкил этилган интенсив боғда, 2020 йил 5 июнь.Фото: Президент матбуот хизмати
Президент матбуот хизматидан хабар беришларича, боғ «Турсунов Юсуфжон ери» фермер хўжалиги даласи ёнида жойлашган. 100 гектар майдонда ўрик, 52 гектар майдонда гилос экилган. Томчилатиб суғориш, сунъий соя қилиш ускуналари ўрнатилган.
Фарғона вилояти Қўштепа туманида «Grapes and Gardens Investment» компанияси томонидан ташкил этилган интенсив боғ, 2020 йил 5 июнь.Фото: Президент матбуот хизмати
«Испания ва Франциядан келтирилган ўрик навининг ҳосилдорлиги жуда юқори. Бу экспортда муҳим омил бўлади. Бугунги кунда боғ участкалари кооперация асосида тажрибали тадбиркорларга берилмоқда», — дейилади расмий ахборотда.
Фарғона вилояти Қўштепа туманида «Grapes and Gardens Investment» компанияси томонидан ташкил этилган интенсив боғ, 2020 йил 5 июнь.Фото: Президент матбуот хизмати
Шавкат Мирзиёев дарахт қаторлари орасига саримсоқпиёз ва дуккакли экинлар экиш, бундай боғларни кўпайтириш бўйича кўрсатмалар берган. Шу ерда қишлоқ хўжалиги ва агросаноат лойиҳалари тақдимоти ўтказилган.
Изоҳ (0)