«Ювентус» ҳужумчиси Криштиану Роналду Forbes талқинига кўра дунёнинг энг кўп даромад олувчи футболчиси сифатида эътироф этилди.
Португалиялик футболчи 2019 йилнинг 1 июнидан 2020 йилнинг 1 июнига қадар 105 миллион доллар ишлаб топган. Уларнинг 60 миллиони маош ва мукофот пулари бўлса, 45 миллиони рекламадан тушган маблағ.
Роналду спортчилар умумий рейтингида теннисчи Рожер Федерердан кейин иккинчи ўринни банд этди.
Футболчилар орасида кучли учликдан шунингдек, «Барселона» ҳужумчиси Лионель Месси (104 миллион доллар) ва ПСЖ форварди Неймар (95,5) ўрин олди.
Энг кўп даромад олган спортчилар юзлигидан 14 нафар футболчи ўрин олди. Улар билан танишинг:
- Криштиану Роналду («Ювентус», умумий рейтингда 2-ўрин) — 105 миллион доллар
- Лионель Месси («Барселона», 3-ўрин) — 104 млн
- Неймар (ПСЖ, 4-ўрин) — 95,5 млн
- Муҳаммад Салоҳ («Ливерпуль», 34-ўрин) — 35,1 млн
- Килиан Мбаппе (ПСЖ, 36-ўрин) — 33,8 млн
- Андрес Иньеста («Виссел Кобе», 46-ўрин) — 29,6 млн
- Месут Ўзил («Арсенал», 49-ўрин) — 28,7 млн
- Пол Погба («Манчестер Юнайтед», 50-ўрин) — 28,5 млн
- Оскар («Шанхай СИПГ», 56-ўрин) — 27,5 млн
- Антуан Гризманн («Барселона», 60-ўрин) — 26,7 млн
- Давид Де Хеа («Манчестер Юнайтед», 67-ўрин) — 25,7 млн
- Алексис Санчес («Интер» / «Манчестер Юнайтед», 69-ўрин) — 25,6 млн
- Гарет Бэйл («Реал», 73-ўрин) — 25,2 млн
- Серхио Рамос («Реал», 100-ўрин) — 21,8 млн
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)