Бугун,

  • USD 11014.01
  • RUB 191.8
  • EUR 10674.78

«Хафа бўлиш йўқ» кўрсатуви бошловчиси Аброр Бахтиёрович «Дарё» интернет-нашрига эксклюзив интервью берди. Интервьюни «Дарё» мухбири Феруз Муҳаммад ташкиллаштирди.

Кўрсатувнинг «Миллион» жамоаси аъзоси Умид Ҳайдаровни машинасидан ниқобли одамлар томонидан гиёҳванд модда топилиб, «маски-шоу» қилиниб, қўлларини қайириб олиб кетишаётгани тасвирланган анонс лавҳаси тармоқларда катта муҳокамалар ва мунозараларга сабаб бўлган эди.

Ички ишлар вазирлиги ахборот хизмати ушбу вазиятга ойдинлик киритиш мақсадида кўрсатув бошловчилари Аброр Бахтиёрович ҳамда Санжар Пардаев билан учрашганида, улар кўрсатувнинг ушбу сони 1 март — Халқаро гиёҳвандликка қарши кураш куни муносабати билан суратга олинганлиги ҳақида гапиришган эди.

Суҳбат давомида Аброр Бахтиёрович нима учун ушбу кўрсатув эфирга кетмаганига ойдинлик киритди.

Кўрсатувнинг бу сонини суратга олаётганимизда, умуман бошқа нарса, бошқа мақсадларни мўлжаллаганмиз, кўрсатувнинг тагидаги маъно бутунлай бошқача эди. Одамлар биз кўрган маънони кўрмади, улар бошқача кўришди ва бу муҳокамага айланиб кетди. Ўйладикки, буни ҳозир одамларга тушунтиргандан фойда йўқ, улар фикрларида қатъий туришига кўзимиз етди. Шунинг учун кўрсатувнинг мазкур сонини эфирга бермадик. Қачонлардир бу муҳокамалар одамларнинг эсидан чиқиб кетганидан сўнг, балки кўрсатувнинг бу сонини эфирга беришимиз мумкин.

Биз бу ҳазил билан нима демоқчи бўлганмиз. Биринчи ўринда гиёҳванд моддалар билан алоқа қилиб юрадиган одамларни қўрқитмоқчи бўлдик. Умид Ҳайдаров «Миллион» жамоасида гиёҳванд одамнинг образини ўйнайди, шу образни ўйнагани учун ҳам бу ҳазил унга нисбатан қилинганида ишонарли чиқади. Одамлар шу кўрсатувни кўрсин-да, шундай иш қилаётгани учун қўрқсин, гиёҳванд модда чўнтагида бўлса ташлаб юборсин, у нарсадан бутунлай воз кечсин.

Иккинчи мақсад, инсон ҳар доим огоҳ бўлиши кераклигини кўрсатиб бермоқчи бўлдик. Мисол учун ‘машинанинг юкхонасини очиб юборинг’, дейишса, ўтирган жойимизда очамиз, тушиб кўрсатиш қийинми.

Шу битта кўрсатувдан жуда кўп мақсадларни ўйлаган эдик, аммо одамлар бу кўрсатувдан асосий мақсадимизни фақатгина Умид Ҳайдаровни қўрқитиш деб тушунишди.

Аброр Бахтиёрович, «Хафа бўлиш йўқ» кўрсатуви бошловчиси

Изоҳ
Асосий янгиликлар