Францияда 30 йил ичида илк бора олти эгизак: беш қиз ва бир нафар ўғил бола дунёга келди. Қувончли ушбу воқеа Страсбургда рўй берган. Бу ҳақда RTL радиоси хабар қилди.

Фото: Global Look Press

Чақалоқларнинг вазни 630 граммдан 730 граммгача, улар кесарча кесиш амалиётидан кейин ҳомиланинг 25-ҳафтасида дунёга келган. Чақалоқлар онасининг олтовлондан ташқари яна икки нафар фарзанди бор.

Чақалоқларнинг хавфсиз ва соғлом туғилишини таъминлаш учун 30 нафар мутахассисдан иборат гуруҳ жалб қилинган. Чақалоқлар неонатал реанимация бўлимига олинган ва касалхонада бир неча ой давомида шифокорлар назоратида қолади.

Олти нафар эгизакнинг дунёга келиши жуда кам учрайдиган ҳолати, жаҳонда 4,7 миллиард чақалоқ туғилишининг биттаси олтилик бўлиши мумкин. Францияда охирги марта 30 йил аввал 1989 йилда Париждаги шифохонада олти эгизак дунёга келганди.

Бундан деярли бир йил аввал Польшада биринчи марта олти эгизак дунёга келган. Эгизаклар — тўрт қиз ва икки ўғил 20 май куни Краков университети касалхонасида туғилганди.