Болливуд юлдузларининг Гиннес рекордлари китобига киритилган машҳур актёр ва актрисалари ҳақида тўхталамиз.
Капурлар оиласи
Капурлар оиласи, Болливуддаги энг кўп актёрлардан иборат оила ҳисобланади ва 1999 йил Гиннеснинг рекордларига киритилган. Ушбу оиладан илк бор Притхвираж Капур 1929 йилда актёр сифатида ўз фаолиятини бошлаган, кейинчалик ўғиллари Раж, Шамми, Шашилар ота касбни давом эттирган. Капурларнинг таниқли қариндошлари орасида Амитабх Баччан, режиссёрлар Рамеш Сиппи ва Манмохан Десаи ҳам бор. Ранбир Капур ва Карина Капур бўлса, Притхвираж Капурнинг неваралари ҳисобланади.
Шоҳрух Хон
Болливуд қироли Шоҳрух Хон энг бадавлат ҳинд актиёри ҳисобланади. У 2013 йилда 220.5 крор даромад билан Гиннес рекордларидан ўрин олган.
Катрина Каиф
Ёш бўлишига қарамай Катрина Каиф, Шоҳрух Xон билан бир йили Гиннес рекордларига энг бадавлат актриса сифатида киритилган. Маълумотларга қараганда, у бир йилда 63,75 крор даромад топишга муваффақ бўлган.
Ашок Кумар
Ашок, Болливуд тарихида энг узоқ карьера қилган актёр сифатида рекорд ўрнатган. Таъкидланишича, у 1936 йилда «Жееван Наия» фильмидаги дебютидан кейин 63 йил давомида тинимсиз суратга тушган.
Абхишек Баччан
Амитабх Баччаннинг ўгли Абхишек, Гиннеснинг рекордлари китобига 2009 йилда киритилган. Унинг рекорд қўйишига «Дели-6» фильми тарғиботи учун 12 соат ичида 7 та шаҳарга бориб чиқиш қилгани сабаб бўлган.