Хонанда Лола отаси Равшан Йўлдошев билан сўнгги мулоқотини эсга олди.
«Отам сочининг учигача интеллигент одам эди. У энг ақлли, меҳрибон, ниҳоятда истеъдодли инсон эди. У ҳар доим ўзини оғир-босиқ тутар, паст, ёқимли овозда гапирарди. Ўйлашимча, у жавобини билмайдиган биронта ҳам савол йўқ эди. Ҳар доим тўғри, доно маслаҳат берарди. Мен ҳар доим ижод ва шахсий ҳаётга оид маслаҳатларни ундан сўрардим. У ҳар доим менинг суянчиғим эди. У ўзини севарди, ўзига қарарди, ҳар доим дид билан кийинарди. Яна унинг қўллари жуда чиройли эди. У туғишимга келишини айтганди, мен уни роса кутаётган эдим. Биз у билан ўлимидан бир кун аввал гаплашган эдик. Иккаламиз ҳам бу охирги марта эканлигини билмагандик», — дейди Лола.
Хонанда, шунингдек, ўғли отасига ўхшаса у ўзини бахтли ҳис этишини ҳам маълум қилди.
Аввалроқ хонанда отасининг ўлими унинг ҳаётини аввал ва кейинга ажратиб юборганига ишора қилган эди.
Эслатиб ўтамиз, Лоланинг отаси, «Тарона Рекордс» компанияси раҳбари Равшан Йўлдошев 30 март куни юрак хуружидан вафот этди. Равшан Йўлдошев нафақат таниқли продюсер, балки соҳада узоқ муддат фаолият олиб борган ички ишлар органи ходими ҳам бўлган.
Изоҳ (0)