Озода Нурсаидова Сардоба фалокатидан жабрланган 5 та оилага Тошкент вилоятидан 5 та уй совға қилди

Хонанда Озода Нурсаидова Сардоба фалокати оқибатида уйидан айрилган 5 та оилага Тошкент вилоятидан 5 та хонадон ҳадя қилди. Бу ҳақда у Instagram’даги саҳифасида маълум қилди.

«Сардоба фалокати оқибатида аҳолининг кўп қисми талафот кўрди. Одамлар эвакуация қилинди, давлат раҳбари ўша ерга етиб борди. Бу ёқда бутун халқ жипслашиб, жабрланган аҳолига қўлидан келган ёрдамини берди, ҳалигача беряпти. Мана саховат карвонлари ташкил этилди, гўдакдан тортиб ёши катта фуқароларимизгача ёрдамини аямади. Ҳатто пенсионерларимиз пенсиясининг тийин тийинигача сардобаликларга хайрия қилди.

Биз ҳам мана шу хайрия акцияларидан таъсирланиб, тадбиркор, саховатпеша укам Акбар Анваров билан бирга ўзимиз акция ташкил қилдик. Сардоба фалокатидан азият чеккан 5 та оилага Тошкент вилоятидан уй совға қиляпмиз. Яъни 3 та уч хонали, иккита икки хонали уй.

Бу уй, албатта, вақтинчалик эмас, уй ўзларига қолади. Уйларни ҳадя қиляпмиз-у, лекин бироз камчилиги бор. Оилаларнинг уйларга келиб яшаши учун техника, жиҳозлар керак бўлади. Масалан, музлаткич, гилам, телевизор ва бошқа зарур нарсалар. Агар уларга ёрдам бериш истагида бўлган кўнгиллилар бўлса, биз хурсанд бўламиз», — дейди Озода Нурсаидова.

https://www.instagram.com/p/CAGLe2phyY0/