Ўзбекистон Монополияга қарши курашиш қўмитаси табиий монополия субъектларининг давлат реестридаги корхоналар рўйхатини эълон қилди. Унга кўра, 2020 йил 1 апрель ҳолати бўйича республикада 136 та табиий монополия бор.
Йил бошидан уларнинг сони 1 тага, сўнгги 2 йил давомида эса 12 тага қисқарган.
Табиий монополия — товар бозорининг ҳолати бўлиб, унда технологик хусусиятлар туфайли муайян товарлар (ишлар, хизматлар) турларига бўлган талабни қондиришнинг рақобатли шароитларини яратиш мумкин эмас ёки иқтисодий жиҳатдан мақсадга мувофиқ эмас.
Монополияга қарши курашиш қўмитаси эълон қилган маълумотга кўра, монополия субъектларининг давлат реестрининг республика бўлимига «Ургенчтрансгаз» УК, «Ўзбекгидроэнерго» АЖ, «Иссиқлик электр станциялари» АЖ, «Ўзбекистон миллий электр тармоқлари» АЖ, «Ҳудудий электр тармоқлари» АЖ, «Ўзбекнефтгаз» АЖ, «Ўзтрансгаз» АЖ, «Ҳудудгазтаъминот» АЖ, «Махсусэнергогаз» АЖ, «Ўзбекистон темир йўллари» АЖ, «Ўзбекистон почтаси» АЖ, «Туямуюн-Нукус минтақалараро сув қувуридан фойдаланиш бошқармаси» ДУК, «Туямуюн-Ургенч минтақалараро сув қувуридан фойдаланиш бошқармаси» ДУК, «Дамхўжа минтақалараро сув қувурларидан фойдаланиш бошқармаси» ДУК, «Тошкент вилояти Чимган-Чорбоғ рекрацион ҳудудий минтақалараро сув қувурларидан фойдаланиш бошқармаси» ДУК, «Ўзаэронавигация» ДУК кирган.
Реестрнинг Тошкент шаҳри ҳудудий бўлими рўйхатидан «Тошиссиққуввати» ДУК, Тошкент темир йўл муҳандислари институти, «Тошкент минтақавий темир йўл узели» УК, «Ислом Каримов номидаги Тошкент халқаро аэропорти» ДУК, «Тошкент механика заводи» АЖ, «Зенит» МЧЖ, «Файз» МЧЖ, «Тошкентдонмаҳсулотлари» АЖ, «Тошкент иссиқлик маркази» ДУК, «Подёмник» АЖ, «Ўзелектроаппарат-Электрошелд» МЧЖ, South-West Терминал МЧЖ, «АТМ Логистик» МЧЖ, «Сувсоз» ДУК, «Тошкент сув таъминоти» УК, «Росинформсервис» ШК ва «Тошкент девор панеллари заводи» МЧЖ жой олган.
Изоҳ (0)