Қорақалпоғистон Республикасида 13 май, чоршанба куни бир нафар, Хоразм вилоятида 14 нафар, Бухоро вилоятида олти нафар — жами 21 нафар коронавирус инфекциясига чалинган бемор соғайиб, реабилитацияга кузатилди.
Соғлиқни сақлаш вазирлиги матбуот хизматидан маълум қилишларича, Қорақалпоғистонда коронавирус инфекциясидан тўлиқ соғайганлар сони 110 нафарга, Хоразмда 210 нафарга, Бухорода эса 433 нафарга етган.
Аввалроқ 13 май куни Фарғона вилоятида олти киши, Самарқанд вилоятида эса тўққиз киши коронавирусдан соғайгани ҳақида хабар берилган эди. Шундай қилиб, 13 май давомида Ўзбекистонда 36 киши коронавирусдан тузалди.
«Ўзбекистон бўйлаб коронавирусдан соғайганлар 2076 нафарни ташкил этмоқда», — дейилади Соғлиқни сақлаш вазирлиги ахборотида. Жами касалланиш ҳолатлари сони 2596 тани ташкил этмоқда (13 май 20:45 ҳолатига 509 бемор даволанишни давом эттирмоқда); 11 нафар бемор вафот этган.
Изоҳ (0)