Яшин Душанов Навоий вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимига тайинланди. Бу ҳақда Навоий вилоят ҳокимлиги хабар берди.
Маълум қилинишича, Яшин Душанов 1979 йилда Навбаҳор туманида туғилган. 2003 йилда Тошкент давлат юридик институтини, 2011 йилда Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.
Яшин Душанов мазкур лавозимда 2017 йилдан буён ишлаб келган Фахриддин Солиевнинг ўрнини эгаллади.
Янги ҳоким ўринбосари бугунга қадар бир қатор давлат органларида, жумладан, Навоий вилояти адлия бошқармаси ҳамда вилоят ҳокимлигида масъул лавозимларда фаолият олиб борган.
Шунингдек, Яшин Душанов 2013—2016 йилларда Давлат рақобат қўмитаси Навоий вилояти ҳудудий бошқармаси бошлиғи лавозимида ишлаган. У 2016 йилдан буён Навоий вилоят ҳокимлиги ёшлар сиёсати, ижтимоий ривожлантириш ва маънавий-маърифий ишлар бўйича котибияти мудири лавозимида ишлаб келган.
Мавзуга доир: Ўзбекистон транспорт вазирига янги ўринбосар тайинланди
Изоҳ (0)