Вазирлик ахборотига кўра, Навоий вилоятининг Зарафшон шаҳрида 13 майга ўтар кечаси 2:30 дан 4:30 гача бўлган вақт оралиғида (икки соат давомида) кучли ёғингарчилик кузатилган, бунинг натижасида сел келиши юз берган.
«Бирламчи маълумотларга кўра, сел оқибатида тўрт хонадон қисман зарар кўрган. Навоий вилояти Фавқулодда вазиятлар бошқармасининг 9 та техникаси ва 70 нафар шахсий таркиби зудлик билан воқеа жойига етиб бориб, 300 нафар фуқарони хавфсиз ҳудудга эвакуация қилди», — дейилади ФВВ ахборотида.
Вазирлик матбуот хизматининг алоҳида қайд этишича, «ўз вақтида кўрилган тезкор чоралар натижасида фуқароларнинг ҳаёти сақлаб қолинган».
Аввалроқ Зарафшон шаҳрида яшовчи аҳоли вакиллари кучли шамол билан бирга кечган жала қуйиши соат тахминан 1:00 да бошланганини таъкидлаган эди.
Мавзуга доир: Навоий вилоятининг Зарафшон шаҳрида ярим тунда сел келди
Изоҳ (0)