«Дарё» таҳририятига Самарқанд вилояти Пахтачи тумани Тома қишлоғида яшовчи Юлдуз Равшанова турмуш ўртоғига ёрдам сўраб мурожаат қилди.
Фото: «Дарё»
Исмим Юлдуз, ёшим 48 да. Турмуш ўртоғим Юнус Равшанов 1970 йилда туғулган. Иккита қизимиз бор. Иккисини ҳам турмушга узатганмиз. Мен уй бекасиман. Эрим турли ташкилотларда қоровул бўлиб ишларди. Қизларимизни узатиб, энди роҳатини кўрамиз деганимизда, 2018 йил декабрь ойида бирдан турмуш ўртоғимнинг оёқ-қўли ишламай қолди.
Вилоятимиздаги марказий шифохонада олиб борганимизда, шифокорлар эримнинг бош миясида ўсимта борлигини, шунинг учун инсульт бўлиб қолганини айтишди.
Шундан кейин уни бир неча бор даволатдик. Аммо операция қилиниб, ўсимта олинмагунча даволарнинг фойдаси йўқлигини айтишди.
Операцияга эса 10 миллион пул керак экан, бироқ бунга имконимиз йўқ.
Юнус Равшановнинг хонадони
Ҳозир қўшниларимизнинг иссиқхонасида ишлайман. Бодрингларини теришаман. Ишлаган кунимга 30-40 минг сўм беришади. Шундан рўзгор қиламан. Эримни дори-дармонларини оламан. Оғриқлари кучли бўлгани учун қурбим етганича уни даволатяпман.
Мана эримни бир жойда қолганига ҳам икки йилдан ўтди. Уят бўлса ҳам айтай хўжайним ҳатто ҳожатларини ҳам ўзи қилолмайди. Ёнида доим кимдир туриши керак. Бирдан судурги беради, гапиролмай қолади. Гапига тушунмайман. Жуда ҳам қийналиб кетдим...
Мен ҳамма нарсага чидайман, лекин эримнинг қийналишини кўриб эзилиб кетяпман. Энди қизларни чиқариб, набирали бўлиб, роҳатини кўраман деганда, бу аҳволга тушиб турибди.
Бу ўсимта бошига жудаям оғриқ беряпти. Аҳволи кундан кунга оғирлашиб боряпти. Уни тезроқ операция қилдиришимиз керак.
Шу муборак кунларда барча юртдошларимиздан турмуш ўртоғимни соғайиб кетиши учун ёрдам беришларини сўрайман...
Юнус Равшановга хайрия қилиш истагида бўлганлар учун керакли маълумотлар:
Пластик карта Юлдуз Равшанованинг жияни Ҳолиқулова Ирода номига очилган
Агробанк: 86 00 04 17 62 11 12 02
Боғланиш учун телефон: (94)226-68-48
