Германиянинг Роберт Кох институти раҳбари Лотар Вилер коронавирус пандемиясининг иккита янги тўлқини бўлиши мумкинлиги ҳақида огоҳлантирди, деб хабар бермоқда «РИА Новости». Унинг айтишича, коронавирус аҳолининг 60-70 фоизи у билан касалланмагунича тарқалишда давом этади.
«Биз унинг иккинчи тўлқини бўлиши мумкинлигини деярли биламиз», — деган Вилер. Шунингдек, баъзи олимлар коронавируснинг учинчи тўлқини бўлиши мумкин, деб ҳисоблаётганини қўшимча қилган.
Шу билан бирга, ижтимоий масофаланиш кундалик ҳаётнинг ажралмас қисмига айланиши лозимлигини таъкидлаб ўтган.
Аввалроқ Америкалик мутахассислар коронавирус 2022 йилдан кейин яна пайдо бўлишини прогноз қилганди. Хитойлик олимлар эса коронавирус мавсумий касалликка айланишини маълум қилган. Уларнинг фикрича, бу инсоният билан узоқ вақтдан бери яшаб келаётган касалликлар каби мавсумий эпидемияга айланиши мумкин.
Коронавирус дунёнинг деярли барча давлатларида тарқалган. Жонс Ҳопкинс маълумотларига кўра, Айни пайтда дунё бўйлаб коронавирусга чалинганлар сони 3,5 миллион кишидан, қурбонлар сони эса 250 минг кишидан ошиб кетди.
Изоҳ (0)