Қозоғистонда коронавирусга чалинганлар 20 кишига, Қирғизистонда эса 26 кишига кўпайди

Қозоғистонда 3 май ҳолатига кўра, коронавирус билан касалланиш бўйича яна 20 та ҳолат қайд этилиб, касалликка чалинганларнинг жами сони 3 877 кишига етди, деб хабар бермоқда Tengrinews.

Қайд этилишича, Нур-Султонда 4 та, Олмаота вилоятида 4 та, Манғистау вилоятида 1 та, Қизилўрда вилоятида 4 та, Атирау вилоятида 1 та, Ақтўбе вилоятида 6 та ҳолат аниқланган.

2 май куни 114 киши коронавирусга чалингани хабар берилган эди. Мамлакатда COVID-19 коронавирус инфекцияси тарқалиши бошланганидан буён 25 киши вирус қурбонига айланган, 995 нафар бемор соғайган.

Қирғизистонда эса 3 май куни коронавирусга чалинганлар сони 26 кишига кўпайиб, 795 нафарга етди, беморларнинг 37 нафари тузалди, деб хабар бермоқда «РИА Новости» мамлакат коронавирусга қарши штабига таяниб.

Қайд этилишича, касалланганларнинг 7 нафари тиббиёт ходимларидир. Шу кунгача коронавирус юқтириб олган тиббиёт ходимлари сони 207 кишига етди.

Умумий ҳисобда мамлакат бўйлаб коронавирусга чалинган 795 бемордан 564 нафари соғайган, 10 нафари вафот этган.

Ўзбекистонда эса 3 май соат 10:00 ҳолатига кўра, коронавирус инфекциясини юқтириб олганлар сони 2127 нафарга етди.