КХДР ва Жанубий Корея чегарасида отишма содир бўлди. Бу ҳақда Жанубий Корея Бирлашган штаб бошлиқлари қўмитасига таяниб, Yonhap агентлиги хабар берди.
Кўнгилсиз ҳодиса маҳаллий вақт билан соат 07:41 да содир бўлган.
«Демаркация линиясининг марказий қисмидаги кузатув пости томон бир неча маротаба ўқ узилди», — дейилади қўмита хабарида.
Ўқ овозларига жавобан Жанубий Корея ҳарбийлари ҳам КХДР томон иккита ўқ узган.
Отишма оқибатида ҳеч кимга зарар етмаган.
Бирлашган штаб бошлиқлари қўмитасининг маълум қилишича, Жанубий Корея ҳарбийлари шай ҳолатда бўлиб, содир бўлган воқеа сабабини аниқлаш бўйича ишлар олиб бормоқда. Таъкидланишича, бу каби ҳодисаларнинг қайтарилмаслиги учун керакли барча чоралар кўрилади.
Эслатиб ўтамиз, КХДР ОАВларида 20 кундан бери илк бор мамлакат етакчиси Ким Чен Иннинг суратлари пайдо бўлди. Апрель ойида CNN телеканали Ким Чен Иннинг юраги операция қилингани ва соғлиғи ёмонлашгани ҳақида хабар берганди.
Изоҳ (0)