Энг яхши пенальти ижрочилари рейтинги эълон қилинди. Роналду 3-ўринда, Месси эса кучли бешталикда ҳам йўқ
Испаниянинг Marca нашри Европа кучли бешлик лигаларидаги энг яхши пенальти ижрочилари рейтингини тузиб чиқди.
Унга кўра, «Реал» ҳужумкор ярим ҳимоячиси Эден Азар рўйхатнинг биринчи поғонасидан жой олди. Азар фаолияти давомида 56 та пенальти тепган бўлиб, уларнинг фақат еттитасида хато қилган (88% аниқлик).
Иккинчи ўрин Азарнинг жамоадоши Карим Бенземага тегишли бўлди (17 имкониятдан 15 та гол). Кучли учликни «Ювентус» форварди Криштиану Роналду якунлади (143 имкониятдан 121 гол).
«Барселона» сардори Лионель Месси эса бу рўйхатнинг 9-поғонасидан жой олди. Аргентиналик футболчи фаолиятидаги 115 пенальтидан 89 тасини муваффақиятли амалга оширган.
Энг яхши пенальти ижрочилари ўнлиги билан танишинг:
- Эден Азар («Реал») — 56 имконият, 49 гол, 88% аниқлик
- Карим Бензема («Реал») — 17, 15, 88%
- Криштиану Роналду («Ювентус») — 143, 121, 85%
- Ҳарри Кейн («Тоттенҳэм») — 44, 37, 84%
- Луис Суарес («Барселона») — 49, 40, 82%
- Муҳаммад Салоҳ («Ливерпуль») — 16, 13, 81%
- Неймар (ПСЖ) — 64, 51, 80%
- Серхио Агуэро («Манчестер Сити») — 59, 46, 78%
- Лионель Месси («Барселона») — 115, 89, 77%
- Антуан Гризманн («Барселона») — 25, 17, 68%.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
