Навоий вилоятидан юборилган 4 та махсус машинадаги саховат карвони Наманганга етиб келди. Бу ҳақда «Дарё» мухбири Азизбек Абдувалиев хабар бермоқда.
Вилоят ҳокимлиги, Ёшлар иттифоқи вилоят кенгаши, вилоят Маҳалла ва оилани қўллаб-қувватлаш бошқармаси ҳамда бир қатор ҳамкор ташкилотлар кўмагида тайёрланган автокарвондан қарийб 200 миллион сўмлик 5 турдаги озиқ-овқат маҳсулотлари ва 7 турдаги антисептик ҳамда гигиена воситалари ўрин олган.
«Олдинроқ Мўйноққа шундай карвон ташкил қилинганди, энди навбат Наманганга келди. Нега энди Наманган? Бу вилоят асосан кичик бизнес ва хусусий тадбиркорликка ихтисослашган. Карантин даврида эса ушбу соҳалар анча қийинчилик сезаётгани сир эмас. Агар бир-биримизга шундай кўмак бериб, ҳамжиҳатлик билан иш олиб борсак, бу синовли кунлардан камроқ талафот билан ўтиб олишимизга ишончим комил, – дейди Ўзбекистон ёшлар иттифоқи Навоий вилояти кенгаши раиси, сенатор Жамшид Хўжаев.
10 тонна ун, 5 тонна гуруч, 5 тонна шакар, 5 тонна картошка, 5 тонна ёғ, 20 қути антисептик воситалар юкланган саховат карвонлари Наманган шаҳридаги омборхоналардан бирига юкларни туширилди.
Изоҳ (0)