Қашқадарёнинг Чироқчи туманида келин ва қайнсингил ўртасидаги узоқ йиллик низо қотиллик билан якунланди. Бу ҳақда «Postda.uz» хабар бермоқда.
Қайд этилишича, тумандаги «Тошли» маҳалла фуқаролар йиғинида яшовчи Н.Д. турмуш ўртоғи билан 11 нафар фарзандни вояга етказган. Бироқ фарзандлари орасида икки қизининг бахти очилмай, уйда ўтириб қолган. Шу сабабли қизлардан бири Ш. ва қўшни уйда яшовчи акасининг хотини М.Қ. ўртасида доим келишмовчилик келиб чиққан.
Келин ва қайнсингил ўртасидаги узоқ йиллик низо 20 апрель, душанба куни, яна қўзғалган. Шу куни, тахминан, соат 09:00 ларда улар жанжаллашиб қолган. Оқибатда жаҳлини жиловлай олмаган Ш. ўзи билан олиб борган ошхона пичоғини янгасининг қорин ва кўкрагига бир неча маротаба санчиб, уни қасддан ўлдирган.
Бундан ташқари, Ш. келинойисининг 9 ойлик гўдагининг қорнига ҳам икки марта пичоқ санчган, боланинг эгнидаги кийимлари қалинлик қилиб, чақалоққа зиён етмаган.
Мазкур ҳолат юзасидан туман прокуратураси томонидан жиноят иши қўзғатилиб, дастлабки тергов ҳаракатлари олиб борилмоқда.
Мавзуга доир: Тошкентда хотинини зўрлаган эркак ИИБ ходимини пичоқлади
Изоҳ (0)