Ўзбекистон коронавирус пандемияси шароитида тараққиёт банкларидан иқтисодиётни қўллаб-қувватлаш учун 1,6 миллиард АҚШ доллари миқдорида қарз олади. Бу ҳақда Халқаро пресс-клубнинг навбатдаги сессиясида бош вазир ўринбосари, иқтисодий тараққиёт ва камбағалликни қисқартириш вазири Жамшид Қўчқоров маълум қилди.
Баш вазир ўринбосари, иқтисодий тараққиёт ва камбағалликни қисқартириш вазири Жамшид Қўчқоров.
Фото: Халқаро пресс-клуб
Бош вазир ўринбосарининг айтишича, ҳукумат Халқаро валюта жамғармасидан 375 миллион, Осиё тараққиёт банкидан 375 миллион ва Жаҳон банкидан 500 миллион АҚШ доллари миқдорида қарз олиш бўйича келишувларга эришган.
Жамшид Қўчқоров Ўзбекистоннинг ушбу маблағлар асосий қисмини ҳали олмагани ва республикада ҳозирча етарли миқдорда молия маблағлари мавжудлигини ҳам қайд этган.
Эслатиб ўтамиз, Шавкат Мирзиёев март ойида имзолаган фармонга мувофиқ, Молия вазирлиги қошида Инқирозга қарши кураш фонди тузилган ва унга коронавирус тарқалишининг олдини олиш ва эпидемиянинг иқтисодиётга таъсирини камайтиришга қаратилган чора-тадбирлар учун 10 триллион сўм миқдоридаги маблағлар йўналтирилганди.
Мавзуга доир:
- Шавкат Мирзиёев коронавируснинг салбий таъсирини юмшатишга қаратилган навбатдаги имтиёзлар бериш тўғрисидаги фармонни имзолайди
- Ўзбекистон коронавирусга қарши кураш учун Осиё тараққиёт банкидан 1 млрд доллар сўради
- Ўзбекистонда тадбиркорларнинг кредитлари фоизини қоплашга давлат томонидан қўшимча 400 млрд сўм йўналтирилади
- Шавкат Мирзиёев аҳоли бандлигини таъминлаш масалаларига бағишланган видеоселектор йиғилиши ўтказди
