Ёш хонанда Аббос Козимов Имроннинг «Ёмон қиз» қўшиғини қизларнинг исмларига мослаб куйлаб, ижтимоий тармоқларда машҳур бўлиб кетди.
Оригинал қўшиқда «Мен шу ёмон қизни яхши кўраман» деб куйланган бўлса, Аббос Козимов «ёмон қиз» жумласи ўрнига қизларнинг исмини қўйиб, қўшиқ айтмоқда.
Хонанда 29 мартдан ҳозирга қадар 500 дан ортиқ қизларнинг исмига аталган қўшиқ куйлади.
Хонанданинг «репертуари»дан Оппоғой, Ҳожинисо исмли қизларга, шунингдек, русча исмларга аталган қўшиқларни ҳам учратиш мумкин.
Instagram’даги турли ҳазил постлари билан оммалашган «Бир миллион ўзбек ҳикоялари» аккаунтида Аббос Козимов ҳақида қуйидагича ҳазил пост пайдо бўлди:
«Козимов Аббос исмли шахс коронавирусдан кейин чиқиб, ундан тезроқ тарқалди».
Аббоснинг айни пайтда Instagram’да 39 мингдан ортиқ, Telegram’да эса 28 минг нафар кузатувчиси бор.
Аббос Козимовнинг ёзишича, ҳозирда куйланмаган қизлар исмлари рўйхати тузилган. Ушбу рўйхатдан 500 тадан кўпроқ исмлар жой олган. Хонанда рўйхатни Instagram ва Telegram’даги саҳифаларига жойлаб, кимнинг исми тушиб қолган бўлса, уни тўлдиришни сўраган.
https://www.instagram.com/p/B-pK6Kmpees/
«Ҳеч ким қолиб кетмади, имкон қадар ҳаракат қилдик, ҳаммани ёзишга», — деб ёзади Аббос Козимов.
Хонанданинг ёзишича, ундан исмни қўшиқ қилиб куйлаш қанча бўлади, деб сўраётганлар талайгина. Аббос Козимов уларга жавобан «Меҳр-шафқат ва саломатлик» жамоат фондининг ҳисоб рақамини ёзиб, хоҳловчилар кўнгилдан чиқариб, пул ўтказиши мумкинлигини ёзиб қолдирди.
Изоҳ (0)